ഡൽഹി: ഐപിഎല്ലിൽ ഡൽഹി ക്യാപ്പിറ്റൽസിനെതിരെ ഗുജറാത്ത് ടൈറ്റൻസിന് ബാറ്റിംഗ്. ഡൽഹിയുടെ തട്ടകമായ അരുൺ ജെയ്റ്റ്ലി സ്റ്റേഡിയത്തിൽ നടക്കുന്ന മത്സരത്തിൽ ടോസ് നേടിയ ഹോം ടീം ഗുജറാത്തിനെ ബാറ്റിങിനയച്ചു. യുവതാരം സമീർ റിസ്‌വിയുടെ ബാറ്റിംഗ് കരുത്താണ് ഡൽഹിയുടെ പ്രതീക്ഷകൾ. 

സീസണിലെ ആദ്യ രണ്ട് മത്സരങ്ങളിലും ഡൽ​ഹിയെ വിജയത്തിലേക്ക് നയിച്ച് കളിയിലെ താരമായി മാറിയത് റിസ്‌വിയായിരുന്നു. ഇതുവഴി, ഐപിഎൽ ചരിത്രത്തിൽ തുടർച്ചയായി മൂന്ന് മത്സരങ്ങളിൽ പ്ലെയർ ഓഫ് ദി മാച്ച് പുരസ്‌കാരം നേടുന്ന ഏഴാമത്തെ താരമെന്ന ബഹുമതി റിസ്‌വി ഇതിനോടകം തന്നെ സ്വന്തമാക്കി. കഴിഞ്ഞ സീസണിലെ അവസാന മത്സരത്തിലും ഡൽ​ഹിക്കായി മാൻ ഓഫ് ദി മാച്ച് പുരസ്കാരം സ്വന്തമാക്കിയത് റിസ്‌വി ആയിരുന്നു. 

ഗുജറാത്തിനെതിരെയുള്ള ഈ മത്സരത്തിൽ കൂടി മാൻ ഓഫ് ദി മാച്ച് നേട്ടം സ്വന്തമാക്കിയാൽ ഐപിഎല്ലിൽ തുടർച്ചയായി നാല് തവണ മാൻ ഓഫ് ദി മാച്ച് പുരസ്‌കാരം നേടുന്ന ആദ്യ താരമെന്ന റെക്കോഡ് റിസ്‌വിക്ക് സ്വന്തമാകും.

2024-ലെ ലേലത്തിൽ 8.40 കോടി രൂപയ്ക്ക് ചെന്നൈ സൂപ്പർ കിങ്‌സാണ് റിസ്‌വിയെ സ്വന്തമാക്കിയത്. എന്നാൽ പിന്നീട് ടീം താരത്തെ റിലീസ് ചെയ്തു. തുടർന്ന് 95 ലക്ഷം രൂപയ്ക്ക് ഡൽഹി ക്യാപിറ്റൽസ് റിസ്‌വിയെ ടീമിലെത്തിക്കുകയായിരുന്നു. എന്നാൽ, ലേലത്തുകയെക്കാൾ വലിയ പ്രകടനമാണ് താരം ഇപ്പോൾ ഡൽഹിക്കായി പുറത്തെടുക്കുന്നത്.

Gujarat Titans to bat against Delhi Capitals in IPL. The home team won the toss and put Gujarat in to bat in the match being played at Delhi's home ground, Arun Jaitley Stadium. Delhi's hopes are on the batting strength of young player Sameer Rizvi. If he wins the Man of the Match award in this match against Gujarat, Rizvi will become the first player to win the Man of the Match award four times in a row in IPL.