ദോഹ: ഖത്തറിൽ ഈ വാരാന്ത്യത്തിൽ ഇടിമിന്നലോടുകൂടിയ മഴയ്ക്കും  ശക്തമായ കാറ്റിനും സാധ്യതയുണ്ടെന്ന് ഖത്തർ കാലാവസ്ഥാ വകുപ്പ്. വ്യാഴാഴ്ചയും ശനിയാഴ്ചയും രാജ്യത്തിന്റെ വിവിധ ഭാഗങ്ങളിൽ ചിതറിയ മഴയ്ക്കും ഇടിമിന്നലിനും സാധ്യതയുണ്ടെന്ന് അധികൃതർ അറിയിച്ചു.

അതേസമയം, വെള്ളിയാഴ്ച കാലാവസ്ഥ താരതമ്യേന ശാന്തമായിരിക്കുമെന്ന് അധികൃതർ അറിയിച്ചു. മേഘാവൃതമായ ആകാശവും മിതമായ താപനിലയും കൂടാതെ ചില സ്ഥലങ്ങളിൽ മൂടൽമഞ്ഞും അനുഭവപ്പെടാൻ സാധ്യതയുണ്ട്.

വ്യാഴാഴ്ച തെക്കുകിഴക്കൻ മുതൽ വടക്കുകിഴക്കൻ ദിശകളിൽ 8 മുതൽ 18 നോട്ടിക്കൽ മൈൽ വരെ വേഗതയിൽ കാറ്റ് വീശും. മഴക്കാലത്ത് ഇത് 28 നോട്ടിക്കൽ മൈൽ വരെ ഉയരും. 
വെള്ളിയാഴ്ച കാറ്റിന്റെ വേഗത 3 മുതൽ 13 നോട്ടിക്കൽ മൈൽ വരെയും, ശനിയാഴ്ച 3 മുതൽ 12 നോട്ടിക്കൽ മൈൽ വരെയും ആയിരിക്കും, 
സാധാരണയായി 2 മുതൽ 6 അടി വരെ ഉയരമുള്ള തിരമാലകൾ, അസ്ഥിര കാലാവസ്ഥയിൽ 10 അടി വരെ ഉയരാൻ സാധ്യതയുണ്ടെന്ന് റിപ്പോർട്ടിൽ പറയുന്നു. ആയതിനാൽ കടൽക്ഷോഭത്തിനുള്ള സാധ്യതയും അധികൃതർ മുൻകൂട്ടി പറയുന്നുണ്ട്.

അതേസമയം ജനങ്ങൾ ജാഗ്രത പാലിക്കണമെന്നും, പ്രത്യേകിച്ച് കടൽ യാത്രകളും ഔട്ട്‌ഡോർ പ്രവർത്തനങ്ങളും ഒഴിവാക്കാൻ ശ്രദ്ധിക്കണമെന്നും അധികൃതർ മുന്നറിയിപ്പ് നൽകി.

Qatar is expected to experience unstable weather this weekend, with thunderstorms, scattered rain, and strong winds forecast for Thursday and Saturday. Friday will likely see calmer conditions with moderate temperatures and cloudy skies. Wind speeds may increase significantly during rain, and sea conditions could become rough with waves reaching up to 10 feet. Authorities have advised the public to remain cautious, especially regarding marine and outdoor activities.