അൽ ഉല: കാർഷിക വൈവിധ്യവൽക്കരണത്തിൽ പുതിയ ചരിത്രമെഴുതി സഊദി അറേബ്യ. അൽ ഉലയിൽ പരീക്ഷണാടിസ്ഥാനത്തിൽ ആരംഭിച്ച കുങ്കുമപ്പൂവ് കൃഷിക്ക് അന്താരാഷ്ട്ര ഗുണനിലവാര സൂചികയായ ISO 3632ൽ 'ഗ്രേഡ് വൺ' അംഗീകാരം. മികച്ച പരിപാലനവും ഫലഭൂയിഷ്ഠമായ മണ്ണും പ്രയോജനപ്പെടുത്തിക്കൊണ്ടാണ് സഊദി ഈ നേട്ടം കൈവരിച്ചിരിക്കുന്നത്. നാഷനൽ സെന്റർ ഫോർ സസ്റ്റൈനബിൾ അഗ്രികൾച്ചറൽ റിസർച്ച് ആൻഡ് ഡെവലപ്‌മെന്റ്, റോയൽ കമ്മീഷൻ ഫോർ അൽ ഉല എന്നിവയുടെ ആഭിമുഖ്യത്തിലാണ് പദ്ധതി നടപ്പിലാക്കുന്നത്. മണ്ണൊരുക്കൽ മുതൽ വിളവെടുപ്പ് വരെ കൃത്യമായ മർ​ഗനിർദേശങ്ങളും പരിശീലനവും സഹായവും മന്ത്രാലയം കർഷകർക്കായി ഉറപ്പാക്കിയിരുന്നു. വിപണിയിൽ വൻ വിലയുള്ള കുങ്കുമപ്പൂവ് കൃഷി രാജ്യത്തുടനീളം വ്യാപിക്കുന്നത് കർഷകർക്ക് മികച്ച സാമ്പത്തിക ലാഭം നൽകുമെന്നാണ് വിലയിരുത്തൽ.

ALSO READ: റിയാദിന് പിന്നാലെ സ്മാർട്ട് സിറ്റിയായി മക്ക; ആഗോള റാങ്കിങിൽ വൻ നേട്ടം കൈവരിച്ച് വിശുദ്ധ നഗരം

അൽ ഉലയിലെ മണ്ണും കാലാവസ്ഥയും കുങ്കുമപ്പൂവ് കൃഷിക്ക് ഏറ്റവും അനുയോജ്യമാണെന്ന് പഠനങ്ങളിൽ തെളിഞ്ഞതായി കർഷകൻ ആഫെത് ബിൻ സിന്യാൻ അൽ-അനസി വ്യക്തമാക്കി. വിഷൻ 2030ന്റെ ഭാഗമായി കാർഷിക മേഖലയെ പരിഷ്കരിക്കാൻ ലക്ഷ്യമിട്ടുള്ള  ഉൽപ്പന്നങ്ങൾ പ്രോത്സാഹിപ്പിക്കാനുമുള്ള നീക്കമാണിത്. വിദേശ രാജ്യങ്ങളിൽ നിന്ന് മാത്രം ഇറക്കുമതി ചെയ്തിരുന്ന കുങ്കുമപ്പൂവ് സഊദിയിൽ തന്നെ ഗുണനിലവാരത്തോടെ ഉൽപ്പാദിപ്പിക്കാൻ കഴിയുന്നത് രാജ്യത്തിന്റെ കാർഷിക മേഖലയ്ക്ക് വലിയ കുതിച്ചുചാട്ടമാകും.

Saudi Arabia achieves a historic milestone in AlUla as local saffron cultivation receives ISO 3632 Grade One classification. This success marks a significant boost for the Kingdom's agricultural diversification under Vision 2030.