കൊല്ലം: സതീശന്‍ തള്ളിന്റെ ആശാനെന്ന് കെ.ബി ഗണേഷ്‌കുമാര്‍. പ്രതിപക്ഷ നേതാവ് കഴിഞ്ഞ അഞ്ച് കൊല്ലം പറഞ്ഞ ഒന്നും സത്യമായിട്ടില്ല. വാഹന രൂപമാറ്റവുമായി ബന്ധപ്പെട്ട് വി.ഡി സതീശന്‍ പറഞ്ഞ കാര്യവും നടപ്പാക്കാനാകില്ലെന്നും ഗണേഷ്‌കുമാര്‍ പറഞ്ഞു. 

സര്‍ക്കാരിന്റെ നിയമത്തെ മറികടക്കാനാകില്ല, കോടതി ഉത്തരവും മറികടക്കാനാകില്ല, സതീശനല്ല, രാഹുല്‍ഗാന്ധി വന്നാലും മറികടക്കാനാകില്ലെന്നും ഗണേഷ്‌കുമാര്‍ പറഞ്ഞു. വയനാട്ടില്‍ വീട് വെച്ച് കൊടുക്കാന്‍ പറ്റാത്ത കോണ്‍ഗ്രസാണോ കേരളം ഭരിക്കാന്‍ പോകുന്നതെന്നും അദ്ദേഹം പരിഹസിച്ചു. 

യു.ഡി.എഫ് അധികാരത്തിലെത്തിയാല്‍ സുരക്ഷിതമായ രീതിയില്‍ വാഹനങ്ങളുടെ മോഡിഫിക്കേഷന്‍ അനുവദിക്കുമെന്ന് വി.ഡി സതീശന്‍ വ്യക്തമാക്കിയിരുന്നു. ഇതിനോട്് പ്രതികരിക്കുകയായിരുന്നു ഗതാഗതമന്ത്രിയായ കെ.ബി ഗണേഷ്‌കുമാര്‍. 

വാഹനങ്ങളില്‍ അപകടകരമല്ലാത്ത മോഡിഫിക്കേഷന്‍ നടത്തുന്നത് തെറ്റല്ലെന്നും യു.ഡി.എഫ് അധികാരത്തിലെത്തിയാല്‍ ഇതിന് അനുമതി നല്‍കുമെന്നുമാണ് വി.ഡി സതീശന്‍ പറഞ്ഞിരുന്നത്. 

Minister Ganesh Kumar has strongly responded to V.D. Satheesan regarding the issue of vehicle modifications. He stated that neither Satheesan nor even Rahul Gandhi can override the law or court orders. Emphasizing strict enforcement, Ganesh Kumar clarified that vehicle modification rules must be followed without exception.