വള്ളിക്കുന്ന്: ശാസ്താസ്വയംസഹായ സംഘത്തിന്റെ കുടുംബ സംഗമവും ഓണം പച്ചക്കറി കിറ്റ് വിതരണവും നടത്തി. കൂടാതെ പഞ്ചായത്തിലെ പരിരക്ഷ പദ്ധതിയിലേക്ക് സര്‍ജിക്കല്‍ സാമഗ്രികളും നല്‍കി.
സംഘം പ്രസിഡന്റ് ബിനേഷ് മണ്ണില്‍ അധ്യക്ഷനായി. മുതിര്‍ന്ന അംഗം രാമന്‍ മാസ്റ്റര്‍ ദീപം കൊളുത്തി ഉദ്ഘാടനം ചെയ്തു. ഡോ. എം പത്മനാഭന്‍ മുഖ്യപ്രഭാഷണം നടത്തി. എസ്.എസ്.എല്‍.സി പരീക്ഷയില്‍ ഉന്നതവിജയം നേടിയ സംഘത്തിലെ അംഗങ്ങളായ അരുണ്‍ കൃഷ്ണന്‍, ഗായത്രി എന്‍ എന്നിവരെ ആദരിച്ചു.
സംഘം സെക്രട്ടറി എം വിശ്വനാഥന്‍ സ്വാഗതവും കൊടിശാസ്താ കരുണന്‍ മാസ്റ്റര്‍ നന്ദിയും പറഞ്ഞു.