വള്ളിക്കുന്ന്: പഞ്ചായത്ത് ഇരുപത്തിയൊന്നാം വാര്‍ഡും ബാങ്ക്പടി റസിഡന്‍സ് അസോസിയേഷനും ചെറുപുഷ്പം വായനശാലയും സംയുക്തമായി സംഘടിപ്പിച്ച ഓണം-ബലിപെരുന്നാള്‍ സുഹൃദ് സംഗമം വൈവിധ്യമായി.
ആനങ്ങാടി ഡാസില്‍ ഓഡിറ്റോറിയത്തില്‍ നടന്ന ചടങ്ങ് ഗ്രാമപഞ്ചായത്ത് പ്രസിഡന്റ് വി.എന്‍ ശോഭന ഉദ്ഘാടനം ചെയ്തു. ആസിഫ് മശ്ഹൂദ് അധ്യക്ഷനായി. അബ്ദുല്‍ഹമീദ് മാസ്റ്റര്‍ എം.എല്‍.എ, ബക്കര്‍ ചെര്‍ന്നൂര്‍, കെ.പി മുഹമ്മദ് മാസ്റ്റര്‍, വി.എം സോമസുന്ദരന്‍, ടി പ്രഭാകരന്‍, പരപ്പനങ്ങാടി എസ്.ഐ കെ.ജെ ജിനേഷ്,വിശ്വനാഥന്‍, മജീഷ്യന്‍ ആര്‍.കെ മലയത്ത്, ഗോപി നാരായണന്‍, ഡോ. വി.പി ശശിധരന്‍, കെ.പി ഹനീഫ, എ.പി റാഫി സംസാരിച്ചു. ആഘോഷത്തിന്റെ ഭാഗമായി മൈലാഞ്ചിയിടല്‍ മത്സരം, പൂക്കള മത്സരം, തിരുവാതിര, ഒപ്പന, നാടന്‍പാട്ട്, ലളിതഗാനം, മാപ്പിളപ്പാട്ട്, കമ്പവലി, ഷട്ടില്‍, മ്യൂസിക്കല്‍ ചെയര്‍, ഉറിയടി, തുടങ്ങിയ മത്സരങ്ങളും നടന്നു.