ലെബനനുനേരെയുള്ള ഇസ്റാഈലിന്റെ ആക്രമണം കണ്ടില്ലെന്ന് നടിക്കാനാവില്ലെന്നും ഇസ്റാഈലുമായുള്ള എല്ലാ വ്യാപാര-രാഷ്ട്രീയ കരാറുകളും റദ്ദാക്കാൻ യൂറോപ്യൻ യൂണിയൻ തയ്യാറാകണമെന്ന് സ്പാനിഷ് പ്രധാനമന്ത്രി പെഡ്രോ സാഞ്ചസ്. 1995-ൽ ഇസ്റാഈലുമായി ഒപ്പുവെച്ച അസോസിയേഷൻ കരാർ അടിയന്തരമായി നിർത്തിവെക്കണമെന്ന് അദ്ദേഹം ആവശ്യപ്പെട്ടു. ലബനനിൽ ഇസ്റാഈൽ പ്രധാനമന്ത്രി ബെഞ്ചമിൻ നെതന്യാഹു നടത്തുന്നത് ഏറ്റവും ക്രൂരമായ ആക്രമണമാണെന്നും അദ്ദേഹം കുറ്റപ്പെടുത്തി.

അന്താരാഷ്ട്ര നിയമങ്ങളുടെ ലംഘനമാണ് ഇപ്പോൾ നടക്കുന്നത്. ഇത്തരം ക്രിമിനൽ കുറ്റകൃത്യങ്ങളിൽ ഏർപ്പെടുന്നവർ ശിക്ഷിക്കപ്പെടാതെ പോകരുത്. ലെബനനെയും വെടിനിർത്തൽ ചർച്ചകളുടെ ഭാഗമാക്കണമെന്നും അന്താരാഷ്ട്ര സമൂഹം ഈ അതിക്രമങ്ങളെ അപലപിക്കണമെന്നും അദ്ദേഹം കൂട്ടിച്ചേർത്തു.

ഇസ്റാഈൽ ആക്രമണത്തിൽ ലെബനനിൽ ഇതുവരെ 89 പേർ കൊല്ലപ്പെടുകയും 722 പേർക്ക് പരുക്കേൽക്കുകയും ചെയ്തതായാണ് ലെബനൻ ആരോഗ്യ മന്ത്രാലയത്തിന്റെ പ്രാഥമിക കണക്കുകൾ സൂചിപ്പിക്കുന്നത്. ഇസ്റാഈൽ-സ്പെയിൻ നയതന്ത്ര ബന്ധം ചരിത്രത്തിലെ ഏറ്റവും വലിയ പ്രതിസന്ധിയിലൂടെയാണ് കടന്നുപോകുന്നത് എന്നതിന്റെ സൂചനയായാണ് സാഞ്ചസിന്റെ പുതിയ നീക്കത്തെ രാഷ്ട്രീയ നിരീക്ഷകർ വിലയിരുത്തുന്നത്.

following the escalation of attacks in lebanon, spanish prime minister pedro sanchez has called on the european union to suspend its trade and political association agreement with israel.