നെടുമങ്ങാട്: സംസ്ഥാന സര്‍ക്കാരും നെടുമങ്ങാട് നഗരസഭയും സംയുക്തമായി ഒരുക്കുന്ന ഓണോത്സവം 2016ന് തിരി തെളിഞ്ഞു. മുനിസിപ്പല്‍ പാര്‍ക്കിങ് ഗ്രൗണ്ടില്‍ സി ദിവാകരന്‍ എം.എല്‍.എ ഉദ്ഘാടനം ചെയ്തു. നഗരസഭാ ചെയര്‍മാന്‍ ചെറ്റച്ചല്‍ സഹദേവന്‍ അധ്യക്ഷനായി. ഓണോത്സവത്തിന്റെ ഭാഗമായി നെടുമങ്ങാട് പ്രസ്‌ക്ലബ് സംഘടിപ്പിച്ച അത്തപ്പൂക്കള മത്സര വിജയികള്‍ക്കുള്ള സമ്മാനദാനം കെ.റ്റി.ടി.സി ചെയര്‍മാന്‍ എം വിജയകുമാര്‍ നിര്‍വഹിച്ചു. എം.സി.കെ നായര്‍ സ്വാഗതം ആശംസിച്ചു.
യോഗത്തില്‍ വൈസ് ചെയര്‍പേഴ്‌സണ്‍ ലേഖാവിക്രമന്‍, സ്റ്റാന്റിംഗ് കമ്മിറ്റി ചെയര്‍മാന്മാരായ ആര്‍ മധു, പി ഹരികേശന്‍നായര്‍, റ്റി.ആര്‍ സുരേഷ് കുമാര്‍. റഹിയാനത്തു ബീവി, ഗീതാകുമാരി, അഡ്വ .ആര്‍ ജയദേവന്‍, പാട്ടത്തില്‍ ഷെരീഫ്, റ്റി അര്‍ജുനന്‍, പൂവത്തൂര്‍ ജയന്‍, കരിപ്പൂര്‍ വിജയകുമാര്‍, കെ സോമശേഖരന്‍ നായര്‍, തുടങ്ങിയവര്‍ പ്രസംഗിച്ചു. യോഗത്തിനു മുന്നോടിയായി വര്‍ണശബളമായ വിളംബരജാഥ നടന്നു. ഓണോത്സവത്തിന്റെ ഭാഗമായി വൈദ്യുത ദീപാലങ്കാരം, കാര്‍ണിവല്‍, വിപണന മേള എന്നിവ ഒരുക്കിയിട്ടുണ്ട്. 18നു സമാപിക്കും.