കോവളം: സിമന്റ് കയറ്റിവന്ന മിനിലോറിയും അന്യസംസ്ഥാന തൊഴിലാളികള്‍ യാത്രചെയ്ത ട്രാക്ടറും കൂട്ടിയിടിച്ച് അഞ്ചുപേര്‍ക്ക് പരുക്ക്.
ഇന്നലെ പുലര്‍ച്ചെ കോളിയൂര്‍ ചുനക്കരി സൊസൈറ്റിക്ക് സമീപത്തായിരുന്നു അപകടം. ഇടിയുടെ ആഘാതത്തില്‍ നിയന്ത്രണം വിട്ട ലോറി റോഡരികിലുള്ള മതില്‍ തകര്‍ത്തു. ലോറിയുടെ മുന്‍വശത്തെ ടയര്‍ ഊരിത്തെറിച്ചു.
ലോറി ഡ്രൈവര്‍ വണ്ടിത്തടം സ്വദേശി ഖാന്‍ (20), ശ്രീനിവാസന്‍ (40), നാഗല്‍ മിറ (20) എന്നിവരെ പരുക്കുകളോടെ അമ്പലത്തറയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ട്രാക്ടറില്‍ യാത്രചെയ്ത അന്യസംസ്ഥാന തൊഴിലാളികള്‍ ഉള്‍പ്പടെയുള്ള നാലുപേര്‍ക്ക് റോഡില്‍ തെറിച്ചുവീണ് പരുക്കേറ്റു.
കോളിയൂരില്‍ നിന്ന് മുട്ടയ്ക്കാട് ഭാഗത്തേക്ക് സിമന്റ് കയറ്റിവന്ന മിനിലോറിയും എതിര്‍വശത്തുനിന്ന് വന്ന ട്രാക്ടറും തമ്മിലാണ് കൂട്ടിയിടിച്ചത്.