കോഴിക്കോട്: നാടിനെ നടുക്കിയ ദൃശ്യ വധക്കേസിലെ പ്രതി വിനീഷിനെ (21) മാസങ്ങൾ നീണ്ട ഒളിവ് ജീവിതത്തിനൊടുവിൽ പൊലിസ് പിടികൂടി. മുംബൈയിൽ വെച്ച് പ്രത്യേക അന്വേഷണ സംഘമാണ് ഇയാളെ പിടികൂടിയത്. കഴിഞ്ഞ ഡിസംബറിലാണ് കുതിരവട്ടം മാനസികാരോഗ്യ കേന്ദ്രത്തിലെ ശുചിമുറിയുടെ ഭിത്തി തുരന്ന്  വിനീഷ് രക്ഷപ്പെട്ടത്. ഇപ്പോൾ മൂന്ന് മാസത്തിന് ശേഷമാണ് പ്രതിയെ പൊലിസ് പിടികൂടുന്നത്.

ALSO READ: സഹപ്രവർത്തകൻ 'ആൻ്റി' എന്ന് വിളിച്ചു; നഴ്സിന് 1.76 ലക്ഷം രൂപ നഷ്ടപരിഹാരം നൽകാൻ കോടതി ഉത്തരവ്

മുംബൈയിലെ റെയിൽവേ സ്റ്റേഷനിൽ വെച്ച് ഇന്ന് രാവിലെയാണ് വിനീഷ് പിടിയിലായത്. കഴിഞ്ഞ മൂന്ന് മാസമായി മുംബൈയുടെ വിവിധ ഭാഗങ്ങളിൽ ജോലി ചെയ്തു വരികയായിരുന്നു ഇയാൾ. നാട്ടിലെ ഒരു ബന്ധുവിനെ ഫോണിൽ വിളിക്കാൻ ശ്രമിച്ചതാണ് പ്രതിക്ക് വിനയായത്. ടവർ ലൊക്കേഷൻ കേന്ദ്രീകരിച്ച് പൊലിസ് നടത്തിയ അന്വേഷണത്തിൽ പ്രതി മുംബൈയിലുണ്ടെന്ന് സ്ഥിരീകരിക്കുകയായിരുന്നു.

ALSO READ: ഹോർമുസ് കടലിടുക്കിൽ അമേരിക്കൻ നീക്കം; വെടിനിർത്തൽ ചർച്ചകൾക്കിടെ ഇറാന്റെ 28 ബോട്ടുകൾ തകർത്തെന്ന് ട്രംപ്

രണ്ട് മാസത്തോളം പ്രത്യേക സംഘം മുംബൈയിൽ ക്യാമ്പ് ചെയ്തായിരുന്നു അന്വേഷണം നടത്തി വന്നിരുന്നത്. റെയിൽവേ പൊലിസിന്റെ സഹായത്തോടെയാണ് വിനീഷിനെ കീഴടക്കാൻ പ്രത്യേക സംഘത്തിന് കഴിഞ്ഞത്. പ്രതിയെ നാളെ രാവിലെ കോഴിക്കോട് മെഡിക്കൽ കോളേജ് പൊലിസ് സ്റ്റേഷനിൽ എത്തിക്കും.

2021 ജൂൺ 17-ന് പ്രണയപ്പകയെത്തുടർന്നാണ് പെരിന്തൽമണ്ണ സ്വദേശിനിയായ ദൃശ്യയെ വിനീഷ് കുത്തിക്കൊലപ്പെടുത്തിയത്. തടയാൻ ശ്രമിച്ച സഹോദരിക്കും അന്ന് ​ഗുരുതരമായി പരുക്കേറ്റിരുന്നു.

കണ്ണൂർ സെൻട്രൽ ജയിലിൽ വിചാരണ തടവുകാരനായി ശിക്ഷ അനുഭവിച്ച് വരികയായിരുന്നു വിനീഷ്. എന്നാൽ മാനസിക അസ്വാസ്ഥ്യം പ്രകടിപ്പിച്ചതിനെ തുടർന്ന് ഡിസംബർ 10-ന് പ്രതിയെ കുതിരവട്ടത്തേക്ക് മാറ്റുകയായിരുന്നു. എന്നാൽ അധികൃതരുടെ കണ്ണുവെട്ടിച്ച് ശുചിമുറിയുടെ ഭിത്തി തുരന്ന് ഇയാൾ കുതിരവട്ടത്ത് നിന്നും രക്ഷപ്പെടുകയായിരുന്നു. സംഭവത്തിൽ ഡ്യൂട്ടിയിലുണ്ടായിരുന്ന നാല് പൊലിസുകാർക്കെതിരെ നേരത്തെ നടപടിയെടുത്തിരുന്നു.

പ്രതി പുറത്തിറങ്ങിയ വാർത്ത പുറത്തുവന്നതോടെ കൊല്ലപ്പെട്ട ദൃശ്യയുടെ കുടുംബം വലിയ ഭീതിയിലായിരുന്നു. കുടുംബത്തെ ഒന്നടങ്കം ഇല്ലാതാക്കുമെന്ന് വിനീഷ് നേരത്തെ ഭീഷണിപ്പെടുത്തിയിരുന്നതിനാൽ ദൃശ്യയുടെ വീടിന് പൊലിസ് സുരക്ഷ വർധിപ്പിച്ചിരുന്നു. ഒളിവിൽ കഴിയാൻ മറ്റാരെങ്കിലും പ്രതിയെ സഹായിച്ചിട്ടുണ്ടോ എന്നും പൊലിസ് പരിശോധിക്കുന്നുണ്ട്.

പ്രതിയെ പിടികൂടിയ സാഹചര്യം വിശദീകരിക്കാൻ പൊലിസ് വാർത്താ സമ്മേളനം നടത്തും. മുമ്പ് കർണാടക ഉൾപ്പെടെയുള്ള സംസ്ഥാനങ്ങളിൽ തിരച്ചിൽ നടത്തിയെങ്കിലും ഫലമുണ്ടായിരുന്നില്ല. ഒടുവിൽ ശാസ്ത്രീയമായ നീക്കങ്ങളിലൂടെയാണ് പ്രതിയെ പൊലിസ് കുടുക്കിയത്.

Vineesh, the prime accused in the 2021 Drishya murder case, was arrested by a special investigation team in Mumbai on Saturday morning. The 21-year-old had been on the run for three months after a daring escape from the Kuthiravattom Mental Health Centre in Kozhikode,