ദോഹ: മേഖലയിലെ സുരക്ഷയും വെടിനിർത്തൽ കരാർ ശക്തിപ്പെടുത്തേണ്ടതിന്റെ ആവശ്യകതയും ചർച്ച ചെയ്ത് ഖത്തർ പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുൾറഹ്മാൻ ബിൻ ജാസിം അൽതാനിയും ഇറാൻ വിദേശകാര്യ മന്ത്രി അബ്ബാസ് അരാഘ്ചിയും.

സംഘർഷങ്ങൾക്ക് ശാശ്വത പരിഹാരം കാണുന്നതിനായി നിലവിലുള്ള മധ്യസ്ഥ ശ്രമങ്ങളോട് എല്ലാ കക്ഷികളും ക്രിയാത്മകമായി സഹകരിക്കണമെന്ന് ഖത്തർ പ്രധാനമന്ത്രി ചൂണ്ടിക്കാട്ടി. സമുദ്രപാതകൾ തടസ്സമില്ലാതെ തുറന്നുനൽകേണ്ടതിന്റെ ആവശ്യകതയും അദ്ദേഹം വ്യക്തമാക്കി. സമുദ്രപാതകളെ സമ്മർദ്ദത്തിനോ വിലപേശലിനോ ഉള്ള ഉപകരണമായി ഉപയോഗിക്കരുതെന്ന് അദ്ദേഹം അരാഘ്ചിയെ ഓർമ്മിപ്പിച്ചു.

ALSO READ: പശ്ചിമേഷ്യൻ പ്രതിസന്ധി; നിർണ്ണായക കൂടിക്കാഴ്ചയുമായി ബ്രിട്ടീഷ് പ്രധാനമന്ത്രിയും ഖത്തർ അമീറും

മേഖലയിലെ സംഘർഷങ്ങൾ അന്താരാഷ്ട്ര സമാധാനത്തെയും ആഗോള ഊർജ്ജ-ഭക്ഷ്യ വിതരണ ശൃംഖലയെയും ദോഷകരമായി ബാധിക്കുമെന്ന് ഇരുനേതാക്കളും വിലയിരുത്തി. സംഭാഷണങ്ങളിലൂടെയും സമാധാനപരമായ മാർഗങ്ങളിലൂടെയും പ്രതിസന്ധികളുടെ മൂലകാരണങ്ങൾ പരിഹരിക്കണമെന്നും പുതിയ സംഘർഷങ്ങൾ തടയണമെന്നും ഇരുനേതാക്കളും ആവശ്യപ്പെട്ടു.

qatar prime minister held talks with iran foreign minister emphasizing that maritime routes should not be used as political bargaining tools. the discussion focused on regional stability, security, and cooperation amid rising tensions. both sides highlighted the importance of protecting international trade routes and ensuring peace in the gulf region.