ന്യൂഡല്‍ഹി: പ്രതിസന്ധിയിലായിരുന്ന രാജ്യത്തെ ഇന്ധനത്തിന് പരിഹാരമായി പാചകവാതക ശേഖരം ഇന്ത്യയിലെത്തുന്നു. 20,400 മെട്രിക് ടണ്‍ എല്‍പിജി വഹിച്ചുകൊണ്ടുള്ള 'ജഗ് വിക്രം' എന്ന ഇന്ത്യന്‍ കപ്പലാണ് ഇന്ന് ഗുജറാത്തിലെ കാണ്ഡല തുറമുഖത്ത് അടുക്കുക. 24 നാവികരാണ് ഈ കപ്പലിലുള്ളത്.

കേന്ദ്ര തുറമുഖ മന്ത്രാലയമാണ് ഇക്കാര്യം അറിയിച്ചിരിക്കുന്നത്. ഇറാന്‍-അമേരിക്ക തര്‍ക്കത്തെ തുടര്‍ന്നുണ്ടായ വെടിനിര്‍ത്തല്‍ പ്രഖ്യാപനത്തിന് ശേഷം, തന്ത്രപ്രധാനമായ ഹോര്‍മുസ് കടലിടുക്ക് വഴി കടന്നുവരുന്ന ആദ്യത്തെ ഇന്ത്യന്‍ കപ്പലാണിത്. ഏപ്രില്‍ 11നാണ് കപ്പല്‍ ഹോര്‍മുസ് കടലിടുക്ക് പിന്നിട്ടത്.

ഈ കപ്പല്‍ എത്തുന്നതോടെ രാജ്യത്തെ ഇന്ധനക്ഷാമത്തിന് ഗണ്യമായ കുറവുണ്ടാകുമെന്നാണ് വിലയിരുത്തല്‍. ഇന്ത്യന്‍ കപ്പലുകള്‍ക്ക് സുരക്ഷിതമായ പാത ഉറപ്പാക്കുമെന്ന് ഇന്ത്യയിലെ ഇറാന്‍ അംബാസഡര്‍ ഡോ. മുഹമ്മദ് ഫത്താലി വ്യക്തമാക്കിയിട്ടുണ്ട്. ഇന്ത്യയുമായുള്ള അടുത്ത സൗഹൃദം കണക്കിലെടുത്ത് കപ്പലുകളുടെ സുരക്ഷയ്ക്ക് പ്രത്യേക പരിഗണന നല്‍കുമെന്നും അദ്ദേഹം അറിയിച്ചിട്ടുണ്ട്.

The Indian vessel 'Jag Vikram' is set to arrive at Gujarat's Kandla Port today with 20,400 metric tonnes of LPG, providing a significant boost to the country's fuel reserves following the temporary ceasefire between the US and Iran.