ജയ്പൂര്‍: രാജസ്ഥാനില്‍ മസ്ജിദിന് നേരെ പെട്രോള്‍ ബോംബെറിഞ്ഞ കേസില്‍ രണ്ടുപേര്‍ പിടിയില്‍. പരംജീത് എന്ന നോനു, പ്രവീണ്‍ ഗുര്‍ജാര്‍ എന്നിവരെയാണ് രാജസ്ഥാന്‍ പൊലിസ് അറസ്റ്റ് ചെയ്തത്. ആക്രമണത്തില്‍ കൂടുതല്‍ പേര്‍ ഉള്‍പ്പെട്ടിട്ടുണ്ടെന്നാണ് പൊലിസിന്റെ കണ്ടെത്തല്‍. 

ഏപ്രില്‍ 9ന് രാത്രിയാണ് ആല്‍വാര്‍ ജില്ലയിലെ മിയോ ബോര്‍ഡിങ് പള്ളിക്ക് നേരെ ആക്രമണമുണ്ടായത്. ബൈക്കിലെത്തിയ മൂന്ന് യുവാക്കള്‍ പള്ളിയിലേക്ക് കത്തുന്ന ഒരു വസ്തു എറിയുകയും, പിന്നീട് രക്ഷപ്പെടുകയും ചെയ്യുകയായിരുന്നു. സമീപ പ്രദേശങ്ങളിലെ സിസിടിവി ദൃശ്യങ്ങളടക്കം പരിശോധിച്ച് നടത്തിയ അന്വേഷണത്തിലാണ് പ്രതികള്‍ പിടിയിലായതെന്ന് അഡീഷണല്‍ പൊലിസ് സൂപ്രണ്ട് പ്രിയങ്ക രഘുവംശി പറഞ്ഞു. 

ALSO READ: ഛത്തീസ്ഗഢിൽ പവർ പ്ലാന്റ് ബോയിലർ പൊട്ടിത്തെറിച്ചു: ഒമ്പത് മരണം; നിരവധി പേർക്ക് പരുക്ക്

സംഭവത്തില്‍ അന്വേഷണം പുരോഗമിക്കുന്നതായി പൊലിസ് അറിയിച്ചു. പ്രതികളിലൊരാളായ പ്രവീണ്‍ ഗുര്‍ജാര്‍ അഖേപുര സ്വദേശത്തെ ചരിത്ര വിദഗ്ദനാണ്. ഇയാള്‍ക്കെതിരെ നിരവധി ക്രിമിനല്‍ കേസുകളുണ്ട്. ആക്രമണത്തിന് പിന്നിലെ കാരണം ഇതുവരെ വ്യക്തമായിട്ടില്ലെന്നും, അന്വേഷണത്തിനായി പ്രത്യേക സംഘം രൂപീകരിച്ചിട്ടുണ്ടെന്നും പൊലിസ് പറഞ്ഞു. പ്രദേശത്ത് ക്രമസമാധാനം നിലനിര്‍ത്താന്‍ നിരീക്ഷണം ശക്തമാക്കിയതായും പൊലിസ് അറിയിച്ചു.