ദുബൈ: യുഎഇയിൽ ബുധനാഴ്ച മുതൽ കാലാവസ്ഥയിൽ കാര്യമായ മാറ്റമുണ്ടാകുമെന്ന് നാഷണൽ സെന്റർ ഓഫ് മെറ്റീരിയോളജി (NCM). രാജ്യത്തിന്റെ വിവിധ ഭാഗങ്ങളിൽ പൊടിക്കാറ്റിനും മഴയ്ക്കും സാധ്യതയുള്ളതായി നാഷണൽ സെന്റർ ഓഫ് മെറ്റീരിയോളജിയിലെ വിദ​ഗ്ധർ അറിയിച്ചു.

ബുധനാഴ്ച പകൽ സമയത്ത് പടിഞ്ഞാറൻ മേഖലകളിലും തീരദേശങ്ങളിലും മഴയുണ്ടായേക്കും. വടക്ക് പടിഞ്ഞാറൻ ദിശയിൽ നിന്നുള്ള ശക്തമായ കാറ്റ് മൂലം അന്തരീക്ഷത്തിൽ പൊടിയും മണലും ഉയരുന്നത് ദൂരക്കാഴ്ചയെ ബാധിക്കാൻ സാധ്യതയുണ്ട്. വാഹനമോടിക്കുന്നവർ ജാഗ്രത പാലിക്കണമെന്ന് അധികൃതർ നിർദ്ദേശിച്ചു.

ALSO READ: നിലത്തു വീണ ആഭരണം എടുത്ത് കടന്നുകളഞ്ഞു; ഷാർജയിൽ ഏഷ്യൻ സ്വദേശിനിക്കെതിരെ കേസ്, കുടുക്കിയത് സിസിടിവി ദൃശ്യം

അബുദബിയിലും ദുബൈയിലും പരമാവധി താപനില 27°C വരെയും കുറഞ്ഞ താപനില 19°C മുതൽ 22°C വരെയുമായിരിക്കും. അറബിക്കടൽ വളരെ പ്രക്ഷുബ്ധമായിരിക്കാൻ സാധ്യതയുള്ളതിനാൽ കടലിൽ പോകുന്നവർ ജാഗ്രത പാലിക്കണം. ഒമാൻ കടലിലും തിരമാലകൾ ഉയർന്നേക്കും. ചില പ്രദേശങ്ങളിൽ ഈർപ്പത്തിന്റെ അളവ് 85 ശതമാനം വരെ ഉയർന്നേക്കാം.

വ്യാഴാഴ്ചയോടെ മൂടൽമഞ്ഞിന് സാധ്യതയുണ്ടെന്നും വെള്ളിയാഴ്ച തീരപ്രദേശങ്ങളിൽ വീണ്ടും നേരിയ മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷകർ അറിയിച്ചു. ശനിയാഴ്ചയോടെ കാലാവസ്ഥ സാധാരണ നിലയിലാകുകയും താപനില ക്രമാനുഗതമായി വർദ്ധിക്കുകയും ചെയ്യും. എങ്കിലും ഞായറാഴ്ച പുലർച്ചെ തീരദേശങ്ങളിൽ മൂടൽമഞ്ഞ് അനുഭവപ്പെട്ടേക്കാം.

the uae is likely to experience dust storms and rainfall starting tomorrow, with a noticeable drop in temperature and weather alerts issued for residents to stay cautious.