കൊച്ചി: ദേശീയപാതകളിലൂടെ ഇനി അമിത ഭാരം കയറ്റി വരുന്ന വാഹനങ്ങളെ പിഴിയാന്‍ പുതിയ ടോള്‍ നിയമം വരുന്നു. ഈ നിയമം ഇന്ന് മുതല്‍ പ്രാബല്യത്തില്‍ വരും. കേന്ദ്ര സര്‍ക്കാരിന്റെ പരിഷ്‌കരിച്ച വ്യവസ്ഥകള്‍ പ്രകാരം അനുവദനീയമായ പരിധിയില്‍ കൂടുതല്‍ ഭാരം കയറ്റുന്ന വാഹനങ്ങളില്‍ നിന്ന് നാലിരട്ടി വരെ ടോള്‍ ഈടാക്കുന്നതായിരിക്കും.

പുതിയ നിരക്കുകള്‍ 
അനുവദനീയമായ ഭാരത്തേക്കാള്‍ 10 ശതമാനം വരെ അധികമുണ്ടെങ്കില്‍ പിഴയില്‍ നിന്ന് ഇളവ് ലഭിക്കും.

ഈ പരിധിയില്‍ അധിക ഭാരം കണ്ടെത്തിയാല്‍ നിലവിലെ ടോള്‍ നിരക്കിന്റെ ഇരട്ടി (2 മടങ്ങ്) തുക നല്‍കണം.

ഭാരം 40 ശതമാനവും കടന്നാല്‍ ടോള്‍ നിരക്കിന്റെ നാലിരട്ടി (4 മടങ്ങ്) പിഴയായി ഒടുക്കേണ്ടി വരും.

അമിത ഭാരം കണ്ടെത്തുന്ന വാഹനങ്ങളുടെ വിവരങ്ങള്‍ ഉടന്‍ തന്നെ 'വഹാന്‍' പോര്‍ട്ടലിലേക്ക് കൈമാറും. തൂക്കം പരിശോധിക്കാനുള്ള സംവിധാനം ഇല്ലാത്ത ടോള്‍ പ്ലാസകളില്‍ അധിക തുക ഈടാക്കാന്‍ പാടില്ലെന്നും നിര്‍ദേശമുണ്ട്.

 ഫാസ്ടാഗ്, യുപിഐ അല്ലെങ്കില്‍ മറ്റ് ഇലക്ട്രോണിക് സംവിധാനങ്ങള്‍ വഴി മാത്രമായിരിക്കും തുക സ്വീകരിക്കുക. ഫാസ്ടാഗ് ഇല്ലാത്ത വാഹനങ്ങള്‍ക്ക് ഈ പിഴയ്ക്ക് പുറമെ നിലവിലുള്ള അധിക ചാര്‍ജും ബാധകമായിരിക്കും.

According to the Central Government's new regulations effective from today, vehicles carrying over 40% excess weight on national highways will be charged four times the standard toll rate, while those between 10% and 40% will pay double.