ന്യൂഡൽഹി: സിബിഎസ്ഇ പത്താം ക്ലാസ് പരീക്ഷാ ഫലം ഇന്ന് പ്രസിദ്ധീകരിച്ചേക്കുമെന്ന് റിപ്പോർട്ടുകൾ. രണ്ടാം ഘട്ട പരീക്ഷകൾ മെയ് 15-ന് ആരംഭിക്കുന്ന പശ്ചാത്തലത്തിലാണ് ആദ്യഘട്ട പരീക്ഷാഫലം ഉടൻ പ്രഖ്യാപിക്കാൻ ബോർഡ് നീക്കം നടത്തുന്നത്. ഫെബ്രുവരി 17 മുതൽ മാർച്ച് 11 വരെ നടന്ന പരീക്ഷയിൽ ഏകദേശം 25 ലക്ഷം വിദ്യാർഥികളാണ് പങ്കെടുത്തത്.

ഫലം എവിടെയൊക്കെ ലഭിക്കും?

വിദ്യാർഥികൾക്ക് താഴെ പറയുന്ന ഔദ്യോഗിക വെബ്‌സൈറ്റുകൾ വഴി ഫലം പരിശോധിക്കാവുന്നതാണ്:

results.cbse.nic.in

cbse.gov.in

കൂടാതെ ഉമംഗ് (UMANG) ആപ്പ് വഴിയും ഫലം ലഭ്യമാകും. ഇന്റർനെറ്റ് സൗകര്യമില്ലാത്തവർക്ക് എസ്‌എംഎസ് (SMS) വഴിയും ഫലമറിയാം. 7738299899 എന്ന നമ്പറിലേക്ക് റോൾ നമ്പറും ജനനതീയതിയും അയച്ചാൽ മാർക്ക് വിവരങ്ങൾ ലഭിക്കും.

ഫലപ്രഖ്യാപനത്തിന് മുന്നോടിയായി വിദ്യാർഥികൾ തങ്ങളുടെ ഡിജിലോക്കർ (DigiLocker) അക്കൗണ്ടുകൾ മുൻകൂട്ടി തയ്യാറാക്കി വെക്കണമെന്ന് അധികൃതർ നിർദ്ദേശിച്ചു. അപർ ഐഡി (APAAR ID) ലഭ്യമല്ലാത്ത വിദ്യാർഥികൾ എത്രയും വേഗം പുതിയ അക്കൗണ്ട് ആരംഭിക്കണം.

സിബിഎസ്‌ഇയുമായി അപർ ഐഡി ലിങ്ക് ചെയ്തിട്ടുള്ള വിദ്യാർഥികൾക്ക് ഫലപ്രഖ്യാപനത്തിന് പിന്നാലെ ഡിജിലോക്കറിലെ ‘Issued Documents’ എന്ന വിഭാഗത്തിൽ നിന്ന് തങ്ങളുടെ ഡിജിറ്റൽ മാർക്ക് ഷീറ്റുകൾ ഡൗൺലോഡ് ചെയ്യാം. തിരക്ക് ഒഴിവാക്കുന്നതിനായി ഫലം വരുന്നതുവരെ കാത്തുനിൽക്കാതെ ഇപ്പോൾ തന്നെ ഡിജിലോക്കർ അക്കൗണ്ടുകൾ സെറ്റ് ചെയ്യാൻ വിദ്യാർഥികളോട് സ്കൂൾ അധികൃതർ അറിയിച്ചു.

The CBSE Class 10 exam results are expected to be announced today. With the second phase of exams scheduled to begin on May 15, reports suggest that the board is ready to release the first-phase results.