ഇറാനെതിരായ യുദ്ധത്തിന്റെ 46 ദിവസങ്ങളില്‍ അമേരിക്ക 51.2 ബില്യണ്‍ ഡോളറിലധികം ചെലവഴിച്ചതായി റിപ്പോര്‍ട്ട്. ഇറാന്‍ വാര്‍ കോസ്റ്റ് ട്രാക്കര്‍ വെബ്സൈറ്റിന്റേതാണ് റിപ്പോര്‍ട്ട്. 

യുദ്ധത്തിന്റെ ആദ്യ ആഴ്ച 11.3 ബില്യണ്‍ ഡോളര്‍ ചെലവഴിച്ചതായി റിപ്പോര്‍ട്ട് വ്യക്തമാക്കുന്നു. പ്രതിദിനം 1 ബില്യണ്‍ ഡോളറാണ് ചെലവ് വന്നത്. യു.എസ് കോണ്‍ഗ്രസിന് പെന്റഗണ്‍ മാര്‍ച്ച് 10 ന് നല്‍കിയ റിപ്പോര്‍ട്ടിനെ അടിസ്ഥാനമാക്കിയുള്ളതാണ് വിവരം.

ഫെബ്രുവരി 28 ന് അമേരിക്കയും ഇസ്രായേലും ഇറാനെതിരെ യുദ്ധം ആരംഭിച്ചു. ടെഹ്റാന്‍ ഉള്‍പ്പെടെയുള്ള പ്രധാന ഇറാനിയന്‍ നഗരങ്ങള്‍ ആക്രമിക്കപ്പെട്ടു. ഇറാന്‍ പശ്ചിമേഷ്യയിലെ യുഎസ് സൈനിക താവളങ്ങള്‍ ലക്ഷ്യമാക്കി.

ALSO READ: ഹോര്‍മുസ് തുറക്കുന്നു? ഉപരോധം പൂര്‍ണമായി പിന്‍വലിക്കുമെന്ന സൂചന നല്‍കി ട്രംപ് 

ഇറാനുമായുള്ള യുദ്ധത്തില്‍ ഏകദേശം 400 യുഎസ് സൈനികര്‍ക്ക് പരിക്കേറ്റതായും റിപ്പോര്‍ട്ടുകള്‍ വ്യക്തമാക്കുന്നു. 
ഇറാനുമായുള്ള യുദ്ധത്തില്‍ കഴിഞ്ഞ ദിവസം വരെ 399 സൈനികര്‍ക്ക് പരിക്കേറ്റതായി ഒരു യുഎസ് ഉദ്യോഗസ്ഥനെ ഉദ്ധരിച്ചുള്ള റിപ്പോര്‍ട്ടില്‍ പറയുന്നു.

അതിനിടെ , യു.എസ് നാവികസേനയുടെ അത്യാധുനിക നിരീക്ഷണ ഡ്രോണ്‍ തകര്‍ന്നതായി റിപ്പോര്‍ട്ടുകള്‍ പുറത്തു വന്നിട്ടുണ്ട്. ഹോര്‍മുസ് കടലിടുക്കിലെ സംഘര്‍ഷഭരിതമായ സാഹചര്യങ്ങള്‍ക്കിടയില്‍ യുഎസ് നാവികസേനക്ക് കനത്ത തിരിച്ചടിയായി . ഏകദേശം 238 മില്യണ്‍ ഡോളര്‍ (22,231,255,130 കോടി ഇന്ത്യന്‍ രൂപ) വിലമതിക്കുന്ന എം.ക്യു.ഫോര്‍-സി ട്രൈറ്റണ്‍ എന്ന ഡ്രോണാണ് തകര്‍ന്നത്. ഏപ്രില്‍ 9ന് ഡ്രോണ്‍ തകര്‍ന്നതായി യു.എസ് നാവികസേന സ്ഥിരീകരിച്ചതായി ഫാര്‍സ് ന്യൂസ് റിപ്പോര്‍ട്ട് ചെയ്യുന്നു.

ALSO READ: യു.എസിന് വീണ്ടും തിരിച്ചടി; ഹോര്‍മുസില്‍ 238 മില്യണ്‍ ഡോളറിന്റെ ഡ്രോണ്‍ തകര്‍ന്നു  

ഇറാനുമായി താല്‍ക്കാലിക വെടിനിര്‍ത്തല്‍ കരാര്‍ നിലനില്‍ക്കെ ഉണ്ടായ സംഭവം മേഖലയില്‍ വീണ്ടും ആശങ്കകള്‍ക്ക് വഴിതുറന്നിരിക്കുകയാണെന്ന് റിപ്പോര്‍ട്ടുകള്‍ ചൂണ്ടിക്കാട്ടുന്നു. 

 യുഎസ് നാവികസേനയുടെ ഏറ്റവും കരുത്തുറ്റ നിരീക്ഷണ സംവിധാനങ്ങളില്‍ ഒന്നാണ് നോര്‍ത്ത്റോപ്പ് ഗ്രുമ്മന്‍ വികസിപ്പിച്ചെടുത്ത എം.ക്യു.ഫോര്‍-സി ട്രൈറ്റണ്‍. സമുദ്രഗതാഗതവും സൈനിക നീക്കങ്ങളും തത്സമയം നിരീക്ഷിക്കാന്‍ കഴിവുള്ള ഈ ഡ്രോണിന്റെ തകര്‍ച്ച വലിയ നഷ്ടമായും വീഴ്ചയയുമായാണ് വിലയിരുത്തപ്പെടുന്നത്.

a report claims the united states spent 51 billion dollars on conflict with iran with around 400 soldiers reportedly injured highlighting the scale of military engagement