കോഴിക്കോട്: കൊയിലാണ്ടിയില്‍ 16 കാരന്‍ പടക്കം പൊട്ടിത്തെറിച്ച് മരിച്ച സംഭവത്തില്‍ കൂടുതല്‍ വിവരങ്ങള്‍ പുറത്ത്. യൂട്യൂബ് നോക്കി, സ്റ്റീല്‍ പാത്രത്തിനടിയില്‍ വെച്ച് പടക്കം പൊട്ടിച്ചതാണ് ദുരന്തത്തിലേക്ക് നയിച്ചതെന്നാണ് റിപ്പോര്‍ട്ടുകള്‍ പറയുന്നത്. സ്റ്റീല്‍ പാത്രം പൊട്ടിത്തെറിച്ച് ശരീരത്തില്‍ തുളഞ്ഞു കയറിയാണ് മരണം സംഭവിച്ചതെന്നും റിപ്പോര്‍ട്ടുകള്‍ വ്യക്തമാക്കുന്നു. 

ALSO READ: കൂട്ടുകാര്‍ക്കൊപ്പം പടക്കം പൊട്ടിക്കുന്നതിനിടെ ഗുണ്ട് പൊട്ടിത്തെറിച്ച് പ്ലസ് വണ്‍ വിദ്യാര്‍ഥി മരിച്ചു

വിഷുദിനത്തിലായിരുന്നു ദുരന്തം. കൊരയങ്ങാട് സ്വദേശിയായ അദ്വൈത് ആണ് മരിച്ചത്. വീടിനോട് ചേര്‍ന്നുള്ള ഗ്രൗണ്ടില്‍ വെച്ച് കൂട്ടുകാര്‍ക്കൊപ്പം അദ്വൈത് പടക്കം പൊട്ടിക്കവെയാണ് അപകടമുണ്ടായത്. പടക്കം പൊട്ടിക്കുന്നതിനിടെ ഗുണ്ട് കയ്യിലിരുന്ന് പൊട്ടിയാണ് അപകടമുണ്ടായനതെന്നായിരുന്നു ആദ്യം പുറത്തുവന്ന വിവരം.  അപകടം ഉണ്ടായ ഉടനെ തന്നെ അദ്വൈതിനെ കൊയിലാണ്ടി താലൂക്ക് ആശുപത്രിയില്‍ എത്തിച്ചെിരുന്നു. എന്നാല്‍ ആശുപത്രിയിലെത്തുന്നതിന് മുമ്പ് തന്നെ മരണം സംഭവിച്ചുവെന്ന് അധികൃതര്‍ വ്യക്തമാക്കി.

ALSO READ: സംസ്ഥാനത്ത് തീവ്ര ഉഷ്ണതരംഗം: 12 ജില്ലകളിൽ യെല്ലോ അലർട്ട്; പാലക്കാട് 40 ഡിഗ്രി കടന്നേക്കും

സ്റ്റീല്‍ പാത്രം പൊട്ടിത്തെറിച്ചു കുട്ടിയുടെ ശരീരത്തില്‍ തുളച്ചുകയറി. തോളിലാണ് തുളച്ചു കയറിയത്. യൂട്യൂബ് നോക്കിയാണ് അദ്വൈത് പടക്കം പൊട്ടിച്ചതെന്നാണ് പറയുന്നത്. പത്താം ക്ലാസ് പരീക്ഷ എഴുതി ഫലം കാത്തിരിക്കുകയായിരുന്നു.  സംഭവത്തില്‍ അസ്വഭാവിക മരണത്തിന് പൊലിസ് കേസെടുത്തിട്ടുണ്ട്. 

a tragic firecracker accident in koyilandy, kozhikode claimed the life of a 16 year old boy during vishu celebrations. reports say the incident happened after he tried bursting crackers under a steel vessel inspired by a youtube video, leading to a fatal explosion.