ന്യൂഡല്‍ഹി: വിമര്‍ശനങ്ങള്‍ക്കിടെ ലോക്സഭയില്‍ വനിതാ സംവരണ ബില്‍ അവതരിപ്പിച്ച് കേന്ദ്രം. വനിതാ സംവരണവും മണ്ഡല പുനര്‍നിര്‍ണയവും ഉള്‍പെടെ മൂന്ന് ബില്ലുകളാണ് കേന്ദ്രം ഇന്ന് അവതരിപ്പിച്ചത്.

ലോക്സഭാ സീറ്റുകളുടെ എണ്ണം 815 ആയി ഉയരുമെന്ന് ലോക്സഭയില്‍ നടത്തിയ പ്രാരംഭ പ്രസംഗത്തില്‍ കേന്ദ്ര നിയമമന്ത്രി അര്‍ജുന്‍ റാം മേഘ്വാള്‍ സഭയില്‍ അറിയിച്ചു. അതില്‍ 272 എണ്ണം വനിതാ സംവരണ സീറ്റുകളായിരിക്കുമെന്നും മന്ത്രി ലോക്‌സഭയില്‍ പറഞ്ഞു.  ഈ ക്വാട്ട നടപ്പാക്കുന്നതിലൂടെ പുരുഷന്മാര്‍ക്കോ ഏതെങ്കിലും സംസ്ഥാനത്തിനോ നഷ്ടം സംഭവിക്കില്ലെന്നും മന്ത്രി കൂട്ടിച്ചേര്‍ത്തു. 

നിര്‍ദ്ദിഷ്ട ബില്ലുകള്‍ പാസാകുന്നതോടെ ലോക്സഭയുടെ നിലവിലെ അംഗബലത്തില്‍ 50 ശതമാനമാണ് വര്‍ദ്ധനവുണ്ടാകുക. വനിതാക്വാട്ടയില്‍ ലോക്സഭയിലും സംസ്ഥാന നിയമസഭകളിലും  പട്ടികജാതി, പട്ടികവര്‍ഗ്ഗ വിഭാഗങ്ങളില്‍ നിന്നുള്ള സ്ത്രീകള്‍ക്കും പ്രത്യേക സംവരണം ഉണ്ടാകുമെന്നും മന്ത്രി വ്യക്തമാക്കി. 

ALSO READ: വനിതാ സംവരണ ഭേദഗതി ബില്‍, മണ്ഡല പുനര്‍നിര്‍ണയം ഉള്‍പെടെ മൂന്ന് ബില്ലുകള്‍ ലോക്‌സഭയില്‍: വോട്ടെടുപ്പ് നാളെ; 12 മണിക്കൂര്‍ ചര്‍ച്ച

'ഇതൊരു ചരിത്രപരമായ തീരുമാനമാണ്, ഇത് നടപ്പാക്കുന്നതോടെ സ്ത്രീകളുടെ തുല്യപങ്കാളിത്തം ഉറപ്പാക്കും, നിയമമന്ത്രി പറഞ്ഞു. ഭരണഘടനയുടെ ആമുഖത്തില്‍ സാമ്പത്തിക, സാമൂഹിക, രാഷ്ട്രീയനീതികളെക്കുറിച്ച് പരാമര്‍ശിക്കുമ്പോള്‍, മുന്‍ സര്‍ക്കാരുകള്‍ ഈ ദിശയില്‍ മതിയായ ശ്രമങ്ങള്‍ നടത്തിയിട്ടില്ല. ഈ ചര്‍ച്ച സ്ത്രീകള്‍ക്ക് നിയമനിര്‍മ്മാണ സമിതികളില്‍ മതിയായ പങ്കാളിത്തം ലഭിക്കുന്നുണ്ടെന്ന് ഉറപ്പാക്കാനാണ്. നടപ്പാക്കേണ്ട സമയം അതിക്രമിച്ചിരിക്കുന്നു- മന്ത്രി പറഞ്ഞു.   

the central government introduces the women reservation bill in the lok sabha along with delimitation proposals, announcing an increase in total seats to 815 with 33 percent reserved for women.