അജ്മാന്‍: കര്‍ണാടക സര്‍ക്കാര്‍ മിനിമം വേജ് അഡൈ്വസറി ബോര്‍ഡ് ചെയര്‍മാന്‍ ടി.എം. ഷാഹിദ് തെക്കില്‍ അജ്മാനില്‍ തുമ്പെ ഗ്രൂപ്പ് ചെയര്‍മാന്‍ ഡോ. തുമ്പെ മൊയ്ദീനെ സന്ദര്‍ശിച്ച് ചര്‍ച്ച നടത്തി. പശ്ചിമേഷ്യന്‍ പ്രതിസന്ധി തുടരുന്നതിനാല്‍ യു.എ.ഇയിലെ കര്‍ണാടകക്കാരായ തൊഴിലാളികളുടെ തൊഴില്‍ പ്രശ്‌നം പഠിക്കാനാണ് മലയാളിയായ ഷാഹിദ് തെക്കിലിന്റെ സന്ദര്‍ശനം.

തൊഴിലാളികളുടെ ക്ഷേമം, മിനിമം ശമ്പളം എന്നീ കാര്യങ്ങളില്‍ വിശദ ചര്‍ച്ച നടത്തി. കര്‍ണാടകയില്‍ നിന്നുള്ള ആയിരക്കണക്കിന് പേര്‍ക്ക് തൊഴില്‍ നല്‍കുകയും അന്താരാഷ്ട്ര നിലവാരമുള്ള സ്ഥാപനമായി അജ്മാഗള്‍ഫ് മെഡിക്കല്‍ യൂണിവേഴ്‌സിറ്റിയെ വളര്‍ത്തി കര്‍ണാടക സംസ്ഥാനത്തിനും സമൂഹത്തിനും അഭിമാനമുണ്ടാക്കുകയും ചെയ്ത ഡോ. തുമ്പെ മൊയ്ദീനെ അദ്ദേഹം അഭിനന്ദിച്ചു.

മൊയ്ദീന്റെ നേതൃത്വത്തിലുള്ള മെഡിക്കല്‍ കോളേജും ആശുപത്രി അന്താരാഷ്ട്ര നിലവാരത്തിലേക്ക് ഉയര്‍ത്തുന്നതില്‍ അദ്ദേഹത്തിന്റെ പുത്രന്മാരും യുവ സംരംഭകരുമായ അക്ബറും അക്രവും വഹിക്കുന്ന പങ്ക് നിര്‍ണായകമാണെന്ന് ഷാഹിദ് തെക്കില്‍ പറഞ്ഞു.

1998ല്‍ അജ്മാനില്‍ സ്ഥാപിച്ച ഗള്‍ഫ് മെഡിക്കല്‍ യൂണിവേഴ്‌സിറ്റി ആധുനിക വിദ്യാഭ്യാസത്തിനും ഗവേഷണത്തിനും ആഗോള അംഗീകാരം നേടിയിട്ടുണ്ട്. വിവിധ രാജ്യങ്ങളില്‍ നിന്നുള്ള ഏകദേശം 5,000 വിദ്യാര്‍ത്ഥികള്‍ ഇവിടെ പഠിക്കുന്നു. 3,000ത്തോളം ജീവനക്കാരുണ്ട്.

തുമ്പെ ആശുപത്രികള്‍, ക്ലിനിക്കുകള്‍, ഡയഗ്‌നോസ്റ്റിക് ലാബുകള്‍, ഫാര്‍മസികള്‍ എന്നിവ വഴി ലക്ഷക്കണക്കിന് രോഗികള്‍ക്ക് സേവനം നല്‍കുന്നു. അജ്മാന്റെ വളര്‍ച്ചയില്‍ തുമ്പെ ഗ്രൂപ്പിന്റെ പങ്ക് വലുതാണെന്നും യെനപ്പോയ സര്‍വകലാശാല ചാന്‍സലര്‍ യെനപ്പോയ അബ്ദുള്ള കുഞ്ഞി, ഡോ. തുമ്പെ മൊയ്ദീന്‍ എന്നിവരുടെ സേവനങ്ങള്‍ സമൂഹത്തിന് മാതൃകയും അഭിമാനവുമാണെന്ന് ഷാഹിദ് തെക്കില്‍ അഭിപ്രായപ്പെട്ടു.

സന്ദര്‍ശന വേളയില്‍ അവിടെ ജോലി ചെയ്യുന്ന കര്‍ണാടക സ്വദേശികളായ തൊഴിലാളികളുമായി അദ്ദേഹം സംസാരിക്കുകയും ആവശ്യങ്ങള്‍ ചോദിച്ചറിയുകയും ചെയ്തു. ദുബൈ കോണ്‍ഗ്രസ് പ്രസിഡന്റ് ഇന്ക്കസ് റഫീഖ് മട്ടന്നൂര്‍, റിഫായി പട്ടേല്‍ ഗൂനടുക്ക, തുമ്പെ ആശുപത്രിയില്‍ പരിശീലനം നേടുന്ന തെക്കില്‍ സ്‌കൂള്‍ മുന്‍ വിദ്യാര്‍ത്ഥിയും എന്‍.എസ്.യു.ഐ നേതാവുമായ ഉബൈസ് ഗൂനടുക്ക, തുമ്പെ ഗ്രൂപ്പ് എച്ച്.ആര്‍ ഓഫീസര്‍ ഫാറൂഖ് ബിളിയാര്‍ എന്നിവര്‍ സന്നിഹിതരായിരുന്നു.

Summary: T.M. Shahid Thekkil, Chairman of the Karnataka Minimum Wage Advisory Board, visited Ajman to meet Thumbay Group Chairman Dr. Thumbay Moideen. The primary objective of the visit is to assess the employment conditions and issues faced by workers from Karnataka in the UAE amidst the ongoing regional crisis.