ന്യൂഡല്‍ഹി: ഡല്‍ഹിയില്‍ ചിക്കന്‍ഗുനിയ രോഗം ബാധിച്ച് പത്ത് പേര്‍ മരിച്ചു. മൂന്നാഴ്ചയ്ക്കിടെ അഞ്ചുപേര്‍ മാത്രമാണ് മരിച്ചിരുന്നതെങ്കിലും കഴിഞ്ഞ മൂന്നു ദിവസത്തിനുള്ളിലാണ് മരണസംഖ്യ ഇത്രയും ഉയര്‍ന്നത്.

നിരവധി ആളുകളാണ് ചിക്കുന്‍ഗുനിയ ബാധിച്ച് ഡല്‍ഹിയിലെ ആശുപത്രികളില്‍ കഴിയുന്നത്. സര്‍ക്കാര്‍ ആശുപത്രികളിലെ കണക്ക് മാത്രമാണ് ഔദ്യോഗികമായി പുറത്തുവന്നത്.

മറ്റ് ആശുപത്രികളില്‍ ചികിത്സ തേടിയവരുടെ എണ്ണം കൂടുതലാണ്. സര്‍ക്കാര്‍ പ്രതിരോധ നടപടികള്‍ ആവിഷ്‌കരിക്കാത്തതില്‍ വ്യാപക പ്രതിഷേധം ഉയര്‍ന്നിട്ടുണ്ട്.