തളിപ്പറമ്പ്: വീട്ടിലെ സ്റ്റെയർകേസിൽ നിന്ന് വീണ് ഗുരുതരമായി പരുക്കേറ്റ് ചികിത്സയിലായിരുന്ന എട്ടു വയസ്സുകാരൻ മരിച്ചു. എളമ്പേരംപാറ തുന്തക്കാച്ചീരകത്ത് വീട്ടിൽ എം. സജീറിന്റെയും മൂബീനയുടെയും മകൻ ടി. അബ്ദുൾ വാഹിദാണ് മരണപ്പെട്ടത്. രണ്ടാം ക്ലാസ് വിദ്യാർഥിയാണ്.

കഴിഞ്ഞ ഏപ്രിൽ 16-നാണ് വാഹിദിന് അപകടം സംഭവിച്ചത്. വീട്ടിലെ ഗോവണിപ്പടിയിൽ നിന്ന് വീണ് ഗുരുതരമായി പരുക്കേറ്റ കുട്ടിയെ ഉടൻ തന്നെ ആശുപത്രിയിൽ പ്രവേശിപ്പിച്ചിരുന്നു. തീവ്രപരിചരണ വിഭാഗത്തിൽ ചികിത്സയിലിരിക്കെ ഇന്ന് പുലർച്ചെ 1.15 ഓടെയായിരുന്നു മരണം.

മുഹമ്മദ് ഷസിൽ, ആലിയ മെഹ്സിൻ എന്നിവർ സഹോദരങ്ങളാണ്. പ്രാഥമിക നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്മോർട്ടത്തിനായി വിട്ടുനൽകി.

An 8-year-old boy named Abdul Wahid died in Kannur after falling from the staircase of his home. The incident occurred on April 16 at his residence in Elamberampara, Thaliparamba.