ഗുരുഗ്രാം: സിബിഎസ്ഇ പത്താം ക്ലാസ് പരീക്ഷയില്‍ എല്ലാ വിഷയങ്ങളിലും നൂറില്‍ നൂറ് മാര്‍ക്ക് നേടി അവിശ്വസനീയമായ നേട്ടം കൈവരിച്ചിരിക്കുകയാണ് അര്‍ഷ സൈറ ജോഷി. ഗുരുഗ്രാം മൗര്യ സ്‌കൂളിലെ വിദ്യാര്‍ഥിനിയായ അര്‍ഷ, പരീക്ഷയെഴുതിയ 6 വിഷയങ്ങളിലും ഒരു മാര്‍ക്ക് പോലും കളയാതെയാണ് ഈ മിടുക്കി 600ല്‍ 600 എന്ന തിളക്കമാര്‍ന്ന സ്‌കോര്‍ സ്വന്തമാക്കിയിരിക്കുന്നത്.

മാതാപിതാക്കളായ റിയ പോളിന്റെയും ആരോമല്‍ അമല്‍ ജോഷിയുടെയും പിന്തുണയും അധ്യാപകരുടെ മാര്‍ഗനിര്‍ദേശങ്ങളുമാണ് ഈ സ്വപ്നതുല്യമായ വിജയത്തിന് പിന്നിലെന്ന് അര്‍ഷ പറയുന്നു. പാഠഭാഗങ്ങള്‍ മനപ്പാഠം പഠിക്കുന്നതിന് പകരം ആശയങ്ങള്‍ വ്യക്തമായി മനസ്സിലാക്കിയുള്ള പഠനരീതിയാണ് ഈ കൊച്ചു മിടുക്കി സ്വീകരിച്ചത്.

കൃത്യമായ പ്ലാനിങും ചിട്ടയായ തയ്യാറെടുപ്പുകളും അര്‍ഷയെ ഈ ചരിത്രനേട്ടത്തിലേക്ക് നയിച്ചു. പഠനത്തോടൊപ്പം തന്നെ സംഗീതത്തിനും വിശ്രമത്തിനും സമയം കണ്ടെത്തി സമ്മര്‍ദമില്ലാതെയാണ് അര്‍ഷ പരീക്ഷയെ നേരിട്ടത്.

Arsha Saira Joshi from Gurugram achieved a historic feat by scoring 100% marks in all subjects for the CBSE Class 10 examinations through disciplined preparation and conceptual learning.