അഹമ്മദാബാദ്: പരാജയങ്ങളുടെ പടുകുഴിയിൽ നിന്ന് ഫീനിക്സ് പക്ഷിയെപ്പോലെ മുംബൈ ഇന്ത്യൻസ് ഉയർത്തെഴുന്നേറ്റു. ഐപിഎൽ ചരിത്രത്തിലെ ഏറ്റവും വേഗതയേറിയ സെഞ്ചുറികളിലൊന്ന് സ്വന്തമാക്കിയ തിലക് വർമ്മയുടെ മികവിൽ ഗുജറാത്ത് ടൈറ്റൻസിനെ മുംബൈ 99 റൺസിന് പരാജയപ്പെടുത്തി. മുംബൈ ഉയർത്തിയ 200 റൺസ് വിജയലക്ഷ്യം പിന്തുടർന്ന ഗുജറാത്ത് 15.5 ഓവറിൽ വെറും 100 റൺസിന് പുറത്തായി.

തിലകിന്റെ ബാറ്റിംഗ് വെടിക്കെട്ട്

ആദ്യം ബാറ്റ് ചെയ്ത മുംബൈയുടെ തുടക്കം തകർച്ചയോടെയായിരുന്നു. കഗിസോ റബാഡയുടെ മാരക ബൗളിംഗിൽ പവർപ്ലേയിൽ തന്നെ മൂന്ന് മുൻനിര വിക്കറ്റുകൾ മുംബൈയ്ക്ക് നഷ്ടമായി. എന്നാൽ നാലാം വിക്കറ്റിൽ ഒന്നിച്ച തിലക് വർമ്മയും നമൻ ധീറും (45) ചേർന്ന് ഇന്നിംഗ്‌സ് കെട്ടിപ്പടുത്തു.

ഗുജറാത്തിന്റേ ഹോം സ്റ്റേഡിയത്തിലേക്ക് ആകെ അടിപതറി എത്തിയ മുബൈ കളത്തിനുള്ളിൽ അതുവരെ ഉണ്ടായിരുന്ന വിജയസാധ്യതകളെ ആകെ മാറ്റി മറിക്കുന്ന പ്രകടനമാണ് പുറത്തെടുത്തത്. ആദ്യം ബാറ്റിങ്ങിന് ഇറങ്ങിയ മുബൈക്ക് തുടക്കത്തിലേ പിഴച്ചു.കളി തുടങ്ങിയപ്പോൾ ഈ കളിയും കൈവിട്ട് പോയെന്ന തോന്നലായിരുന്നു തുടക്കത്തിലേ വിക്കറ്റ് വീഴ്ചകൾ.എന്നാൽ ഒരു വശത്ത് നങ്കൂരമിട്ട് പതിയെ ഇന്നിം​ഗ്സ് ചലിപ്പിച്ച തിലക് വർമ്മയുടെ ബാറ്റിങ് വിസ്ഫോടനം അഹമ്മദാബാദ് ക്രിക്കറ്റ് സ്റ്റേഡിയത്തെ ആകെ പ്രകമ്പനം കോള്ളിക്കുന്നതായിരുന്നു.45 പന്തുകളിൽ സെഞ്ചുറിയെന്ന അതുല്യ നേട്ടത്തിനോപ്പം കൈവിട്ട കളിയിൽ മുബൈയെ വിജയ വഴിയിലേക്ക് തിരികെയെത്തിക്കാൻ കൂടി കെൽപ്പുള്ള ഇന്നിം​ഗ്സ് ആയിരുന്നു അത്.

മുംബൈ ഇന്ത്യൻസ് ടോപ്പ് ഓർഡർ തകർന്നടിഞ്ഞപ്പോൾ ഒറ്റയാൾ പോരാട്ടം നയിച്ച തിലക് വർമ്മ 45 പന്തിൽ നിന്നാണ് 101* റൺസ് അടിച്ചുകൂട്ടിയത്. എട്ട് ഫോറുകളും ഏഴ് സിക്സറുകളും അടങ്ങുന്നതായിരുന്നു തിലകിന്റെ ഇന്നിംഗ്സ്. 224.44 എന്ന സ്‌ട്രൈക്ക് റേറ്റിൽ ബാറ്റ് വീശിയ താരം മുംബൈയെ വൻ ദുരന്തത്തിൽ നിന്ന് കരകയറ്റുകയായിരുന്നു. മധ്യനിരയിൽ നമൻ ധീർ (45) തിലകിന് മികച്ച പിന്തുണ നൽകി.

വെറും 45 പന്തിൽ നിന്ന് 101 റൺസെടുത്ത തിലക് വർമ്മ മുംബൈ ഇന്ത്യൻസ് താരത്തിന്റെ ഏറ്റവും വേഗതയേറിയ ഐപിഎൽ സെഞ്ചുറി എന്ന റെക്കോർഡ് സ്വന്തമാക്കി. തിലകിന്റെ മികവിൽ മുംബൈ നിശ്ചിത 20 ഓവറിൽ 199/5 എന്ന കൂറ്റൻ സ്കോറിലെത്തി.

ബൗളിംഗിൽ തിളങ്ങി അശ്വനിയും ബുംറയും

മറുപടി ബാറ്റിംഗിനിറങ്ങിയ ഗുജറാത്തിന് ഒരു ഘട്ടത്തിലും മുംബൈ ബൗളർമാർക്ക് മേൽ ആധിപത്യം സ്ഥാപിക്കാനായില്ല.യുവ പേസർ അശ്വനി കുമാർ നാല് വിക്കറ്റുകൾ വീഴ്ത്തി ഗുജറാത്തിന്റെ നട്ടെല്ലൊടിച്ചു.

ഈ ടൂർണമെന്റിലെ തന്റെ ആദ്യ വിക്കറ്റ് വീഴ്ത്തി ജസ്പ്രീത് ബുംറ ഫോമിലേക്ക് തിരിച്ചെത്തി.
നായകൻ ശുഭ്മാൻ ഗിൽ ഉൾപ്പെടെയുള്ള ഗുജറാത്തിന്റെ ബാറ്റിംഗ് നിര നിഷ്പ്രഭമായതോടെ അവർ 100 റൺസിൽ പോരാട്ടം അവസാനിപ്പിച്ചു.

പോയിന്റ് പട്ടികയിൽ മുന്നേറ്റം

തുടർച്ചയായ നാല് തോൽവികൾക്ക് ശേഷമുള്ള ഈ തകർപ്പൻ വിജയം മുംബൈ ഇന്ത്യൻസിനെ പോയിന്റ് പട്ടികയിലെ അവസാന സ്ഥാനത്ത് നിന്ന് കരകയറാൻ സഹായിച്ചു. ഹാർദിക് പാണ്ഡ്യയുടെ നേതൃത്വത്തിൽ മുംബൈ നടത്തിയ ഈ ശക്തമായ തിരിച്ചുവരവ് വരാനിരിക്കുന്ന മത്സരങ്ങളിൽ മറ്റ് ടീമുകൾക്ക് വലിയ മുന്നറിയിപ്പാണ് നൽകുന്നത്.