അഹമ്മദാബാദ്: ഇന്ത്യന്‍ പ്രീമിയര്‍ ലീഗില്‍ ഗുജറാത്ത് ടൈറ്റന്‍സിനെതിരെ പഞ്ചാബ് കിങ്‌സിന് വിജയം. അവസാന ഓവറോളം ആവേശം നിറഞ്ഞ മത്സരത്തില്‍ മൂന്ന് വിക്കറ്റിനാണ് പഞ്ചാബ് വിജയം പിടിച്ചെടുത്തത്. ഗുജറാത്ത് ഉയര്‍ത്തിയ 200 റണ്‍സ് വിജയലക്ഷ്യം നിശ്ചിത ഓവർ അവസാനിക്കാന്‍ ഒരു പന്ത് മാത്രം ബാക്കിനില്‍ക്കേ പഞ്ചാബ് മറികടന്നു. അവസാന ഓവറുകളില്‍ തകര്‍ത്തടിച്ച ശശാങ്ക് സിങ്- അശുതോഷ് ശര്‍മ്മ സഖ്യമാണ് പഞ്ചാബിന് വിജയം സമ്മാനിച്ചത്.