ഗ്രെയ്റ്റര്‍ നോയിഡ: ദുലീപ് ട്രോഫി ക്രിക്കറ്റ് കിരീടം ഇന്ത്യ ബ്ലു ടീമിന്. ഇന്ത്യ റെഡ് ടീമിനെ 355 റണ്‍സിനു തകര്‍ത്താണ് ഇന്ത്യ ബ്ലു വിജയം സ്വന്തമാക്കിയത്. ആദ്യ ഇന്നിങ്‌സില്‍ ഇന്ത്യ ബ്ലു ആറു വിക്കറ്റിനു 693 റണ്‍സെടുത്ത് ഡിക്ലയര്‍ ചെയ്തപ്പോള്‍ ഇന്ത്യ റെഡിന്റെ പോരാട്ടം 356 റണ്‍സില്‍ അവസാനിച്ചു. 337 റണ്‍സ് ലീഡുമായി രണ്ടാം ഇന്നിങ്‌സ് തുടങ്ങിയ ബ്ലു ടീം അഞ്ചു വിക്കറ്റ് നഷ്ടത്തില്‍ 179റണ്‍സെടുത്ത് ഡിക്ലയര്‍ ചെയ്ത് റഡിനു മുന്നില്‍ 517 റണ്‍സിന്റെ വിജയ ലക്ഷ്യം വച്ചു. എന്നാല്‍ റഡിന്റെ പോരാട്ടം 161 റണ്‍സില്‍ അവസാനിച്ചു. 

ആദ്യ ഇന്നിങ്‌സിലെന്ന പോലെ രണ്ടാം ഇന്നിങ്‌സിലും അഞ്ചു വിക്കറ്റ് വീഴ്ത്തിയ രവീന്ദ്ര ജഡേജയുടെ ബൗളിങാണ് ബ്ലു ടീമിനു നിര്‍ണായകമായത്. നേരത്തെ ബ്ലു ടീമിനായി ഒന്നാം ഇന്നിങ്‌സില്‍ 256 റണ്‍സെടുത്ത് പുറത്താകാതെ നിന്ന ചേതേശ്വര്‍ പൂജാരയാണ് കളിയിലെ കേമന്‍.