കോസ്സ് ബസാര്‍: ഹെലികോപ്റ്റര്‍ അപകടത്തില്‍ നിന്ന് ബംഗ്ലാദേശ് മുന്‍ ക്രിക്കറ്റ് കാപ്റ്റന്‍ ഷാക്കിബ് അല്‍ഹസനും ഭാര്യയും തലനാരിഴയ്ക്ക് രക്ഷപ്പെട്ടു.

ഷാക്കിബിനേയും ഭാര്യയേയും ഇറക്കിയ ശേഷം പറന്നുയര്‍ന്ന ഹെലികോപ്റ്റര്‍ തകര്‍ന്ന് വീഴുകയായിരുന്നു. അപകടത്തില്‍ ഒരാള്‍ മരിക്കുകയും നാലുപേര്‍ക്ക് പരുക്കേല്‍ക്കുകയും ചെയ്തു. ബംഗ്ലാദേശിലെ തുറമുഖ നഗരമായ കോക്‌സ് ബസാറിലായിരുന്നു സംഭവം.

ധാക്കയിലേക്കുള്ള മടക്കയാത്രക്കിടെയാണ് ഹെലികോപ്റ്റര്‍ അപകടത്തില്‍പ്പെട്ടത്. ഷാക്കിബിനേയും ഭാര്യ യുമ്മി അഹമ്മദ് ഷിഷിറിനേയും റോയല്‍ ടുലുപി റിസോര്‍ട്ടില്‍ ഇറക്കിയ ശേഷമാണ് ഹെലികോപ്റ്റര്‍ യാത്ര തുടര്‍ന്നത്. ഷാക്കിബിനും ഭാര്യക്കും പരസ്യത്തിന്റെ ഭാഗമായി ഷൂട്ടിംഗ് ഉണ്ടായിരുന്നതാണ് ഇവിടെ ഇറങ്ങാന്‍ കാരണമായത്.

ഷാക്കിബ് ഇറങ്ങിയതിനു ഒന്നരകിലോമീറ്റര്‍ മാത്രം മാറി ഇനാനി ബീച്ചിലാണ് ഹെലികോപ്റ്റര്‍ തകര്‍ന്നു വീണത്.