റിയാദ്: തീവ്രവാദക്കേസില്‍ ബ്രൂണൈ പൗരനെ റിയാദില്‍ പിടികൂടിയതായി സഊദി ആഭ്യന്തര മന്ത്രാലയം വ്യക്തമാക്കി. ഇതാദ്യമായാണ് ബ്രൂണൈ ദാറുസ്സലാം രാജ്യത്തെ പൗരനെ സഊദിയില്‍ വെച്ച് തീവ്രവാദ കേസില്‍ പിടിയിലാകുന്നത്.

തെക്കു കിഴക്കന്‍ ഏഷ്യന്‍ രാജ്യങ്ങളില്‍ നിന്നും സഊദിയില്‍ വെച്ച് പിടികൂടുന്ന ആദ്യത്തെ സംഭവമാണിത്.

വിദേശ പൗരന്മാര്‍ രാജ്യത്ത് തീവ്രവാദ പ്രവര്‍ത്തനത്തില്‍ ഏര്‍പ്പെട്ട് പിടിയിലാകുന്നത് വ്യാപകമാകുന്നതായി അധികൃതര്‍ വ്യക്തമാക്കി. കഴിഞ്ഞ രണ്ട് വര്‍ഷത്തിനിടക്ക് നിരവധി വിദേശികളെയാണ് ഐ.എസ് തീവ്രവാദ ബന്ധത്തിന്റെ പേരില്‍ പിടികൂടിയത്.