കാവുംമന്ദം: എട്ടാമത് സംസ്ഥാന യൂത്ത് ടെന്നീസ് വോളിബോള്‍ ചാംപ്യന്‍ഷിപ്പിന് ഇന്ന് തരിയോട് നിര്‍മ്മല ഹൈസ്‌കൂള്‍ സ്റ്റേഡിയത്തില്‍ തുടക്കമാവും.
വൈകിട്ട് നാലിന് സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്യും. സംസ്ഥാനത്തെ എല്ലാ ജില്ലകളില്‍ നിന്നുമുള്ള പുരുഷ വനിതാ ടീമുകള്‍ പങ്കെടുക്കും. മത്സരങ്ങള്‍ രാവിലെ ഒന്‍പത് മുതലാണ് ആരംഭിക്കുക. അസോസിയേഷന്‍ ജില്ലാ പ്രസിഡന്റ് വിജയന്‍ ചെറുകര പതാക ഉയര്‍ത്തും.
സംസ്ഥാന സെക്രട്ടറി ടി.എം അബ്ദുറഹിമാന്‍ വിശിഷ്ടാതിഥിയാവും. സംസ്ഥാന ടെന്നീസ് വോളിബോള്‍ അസോസിയേഷന്‍, ജില്ലാ അസോസിയേഷന്റെയും നിര്‍മ്മല ഹൈസ്‌കൂളിന്റെയും സഹകരണത്തോടെയാണ് ടൂര്‍ണ്ണമെന്റ് സംഘടിപ്പിക്കുന്നത്.
വയനാട് ആദ്യമായിട്ടാണ് ഇത്തരത്തിലൊരു ടൂര്‍ണ്ണമെന്റിന് ആഥിത്യമരുളുന്നത്. തരിയോട് ഗ്രാമപഞ്ചായത്ത് പ്രസിഡന്റ് റീന സുനില്‍ അധ്യക്ഷയാവും.
ജില്ലാ പഞ്ചായത്ത് പ്രസിഡന്റ് ടി ഉഷാകുമാരി, ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്‍മുഖന്‍, മറ്റ് ത്രിതല പഞ്ചായത്ത് ജനപ്രതിനിധികളും സ്‌പോര്‍ട്‌സ് കൗണ്‍സില്‍ പ്രസിഡന്റ് കെ.എസ് ബാബു സംബന്ധിക്കും.