കാലിക്കടവ്: ട്രാഫിക് നിയമങ്ങള്‍ പാലിക്കുന്നവരെ അഭിനന്ദിച്ചും നിയമങ്ങള്‍ തെറ്റിച്ചു വാഹനമോടിക്കുന്നവരെ ബോധവത്കരിച്ചും കുട്ടിപ്പൊലിസുകാര്‍ രംഗത്ത്. ഉദിനൂര്‍ ഗവ.ഹയര്‍ സെക്കന്‍ഡറി സ്‌കൂള്‍ സ്റ്റുഡന്റ് പൊലിസ് കേഡറ്റ്‌സ് ആണ് കാലിക്കടവില്‍ ട്രാഫിക് ബോധവത്കരണം നടത്തിയത്.
ഡ്രൈവര്‍മാര്‍ക്കു ബോധവത്കരണ ലഘുലേഖകളും നല്‍കി. വിദ്യാലയത്തില്‍ നടക്കുന്ന ത്രിദിന ക്യാംപിന്റെ ഭാഗമായിരുന്നു മാതൃകാപരമായ ഈ പ്രവര്‍ത്തനം. ക്യാംപ് നീലേശ്വരം സി.ഐ വി ഉണ്ണികൃഷ്ണന്‍ ഉദ്ഘാടനം ചെയ്തു.
പി.പി കുഞ്ഞികൃഷ്ണന്‍ അധ്യക്ഷനായി. പി.പി അശോകന്‍, പുഷ്പ കൊയ്യോന്‍, കെ ശൈലജ, എം മനോജ്, പി സലാം, രമേശന്‍ സംസാരിച്ചു. ക്യാംപ് നാളെ സമാപിക്കും.