പുത്തനത്താണി: ആതവനാട് പഞ്ചായത്തിലെ അയ്യപ്പനോവ് വെള്ളച്ചാട്ടത്തിനടുത്തും പരിസരങ്ങളിലും പ്ലാസ്റ്റിക് മാലിന്യങ്ങള്‍ തള്ളുന്നതായി പരാതി. വെള്ളച്ചാട്ടം കാണാനെത്തുന്നവരാണ് പ്ലാസ്റ്റിക് കുപ്പികള്‍, കവറുകള്‍ എന്നിവയും മറ്റു പ്ലാസ്റ്റിക് സാധനങ്ങളും വെള്ളച്ചാട്ടത്തിനും പരിസരങ്ങളിലുമായി നിക്ഷേപിക്കുന്നത്. സ്‌കൂള്‍ പ്രവര്‍ത്തന ദിവസങ്ങളില്‍ ഇവിടെ പൂവാല ശല്യവും മറ്റു സമയങ്ങളില്‍ മാട്ടുമ്മല്‍ ഹൈസ്‌കൂള്‍ മുതല്‍ അയ്യപ്പനോവ് വരെയുള്ള സ്ഥലങ്ങളില്‍ മയക്കുമരുന്ന് ലോബികളുടെ ശല്യവും വര്‍ധിച്ചതായി നാട്ടുകാര്‍ പരാതിപ്പെടുന്നു.