പൊന്നാനി: മുഹമ്മദ് റഫി സ്മൃതിയില്‍ പൊന്നാനി അഴീക്കല്‍ തീരം സംഗീതത്തിന്റെ മറ്റൊരു സാഗരമൊരുക്കി. സുഹാനി രാത് എന്നു പേരിട്ട സംഗിത വിരുന്ന് സംഗീതത്തിന്റെ അനന്തപ്രവാഹത്തിലേയ്ക്കു റാഫി സാബിന്റെ ശബ്ദം വീണ്ടും വിളിക്കുന്നതുപോലെ അനുഭവപ്പെട്ടു. ഇന്നലെ നാലിനു തുടങ്ങിയ ചടങ്ങില്‍ ഒ.എന്‍ കുറുപ്പിന്റെ സുഹാനി രാത് എന്ന കവിതയുടെ ആലാപനം, പൊന്നാനിയിലെ സംഗീതജ്ഞരെ അനുസ്മരിക്കല്‍ എന്നിവ നടന്നു.
അലൗകികമായ തന്റെ നാദത്താല്‍ റഫി ആത്മാവ് പകര്‍ന്നുനല്‍കിയ ഗാനങ്ങള്‍ കോര്‍ത്തിണക്കിയ ഗാനമാലികയായിരുന്നു ചടങ്ങിലെ മുഖ്യ ആകര്‍ഷണം. പൊന്നാനിയിലെ സഹൃദയ സൗഹൃദ സംഘമാണ് ചടങ്ങ് സംഘടിപ്പിച്ചത്. ഇ. ജയകൃഷ്ണന്‍, നാസര്‍ കമ്മാലിക്ക, ജംഷിദ് ഗസ്സാലി എന്നിവര്‍ നേതൃത്വം നല്‍കി.