കൊണ്ടോട്ടി: ടൈല്‍സ് കടയുടെ മുന്നില്‍ നിര്‍ത്തിയിട്ട വാഹനത്തില്‍ നിന്ന് സി.ഡി പ്ലയര്‍ മോഷ്ടിച്ച യുവാവിനെ സി.സി.ടി.വി ക്യാമറയിലെ ദൃശ്യം പരിശോധിച്ച് പൊലിസ് പിടികൂടി. പുളിക്കല്‍ വലിയപറമ്പ് സ്വദേശി ലതീഷ്(30)ആണ് കൊണ്ടോട്ടി പൊലിസിന്റെ പിടിയിലായത്.
കൊണ്ടോട്ടി ടൗണിനു സമീപത്തെ ടൈല്‍സ് കടയുടെ മുന്നില്‍ നിര്‍ത്തിയിട്ട കൊട്ടജീപ്പില്‍ നിന്നാണ് ലതീഷ് സി.ഡി പ്ലയര്‍ മോഷ്ടിച്ചത്.
ഇത് കടയിലുളള സി.സി.ടി.വി ക്യാമറയില്‍ പതിഞ്ഞിരുന്നു. തുടര്‍ന്ന് പൊലിസ് സി.സി.ടി.വി ക്യാമറ ദൃശ്യങ്ങള്‍ പരിശോധിച്ച് ആളെ കണ്ടെത്തുകയായിരുന്നു.