തിരുവനന്തപുരം: കേരള മുഖ്യമന്ത്രി തെരഞ്ഞെടുപ്പുമായി ബന്ധപ്പെട്ട് തീരുമാനം ഉടന്‍ എന്ന് നിരീക്ഷ സംഘാംഗം അജയ് മാക്കന്‍. മുഴുവന്‍ എം.എല്‍.എമാരേയും കണ്ടെന്നും സംസാരിച്ചെന്നും അദ്ദേഹം വ്യക്തമാക്കി. കേന്ദ്ര നേതൃത്വത്തിന് റിപ്പോര്‍ട്ട് നല്‍കും. ഉടന്‍ തന്നെ ഇക്കാര്യത്തില്‍ തീരുമാനമുണ്ടാകുമെന്നും അദ്ദേഹം അറിയിച്ചു. 

എം.എല്‍.എമാരുമായുള്ള കൂടിക്കാഴ്ച വിജയകരമായിരുന്നുവെന്ന് മുകുള്‍ വാസ്‌നിക് പ്രതികരിച്ചു. തീരുമാനമെടുക്കാന്‍ എ.ഐ.സി.സി പ്രസിഡന്റിനെ ചുമതലപ്പെടുത്തിയെന്ന് മുകുള്‍ വാസ്‌നിക് വ്യക്തമാക്കി. 

ALSO READ: 'മുഖ്യമന്ത്രി അല്ലെങ്കില്‍ മറ്റൊന്നും വേണ്ട' നിലപാട് കടുപ്പിച്ച് വി.ഡി സതീശന്‍

അതേസമയം, തനിക്ക് 35 എം.എല്‍.എമാരുടെ പിന്തുണയുണ്ടെന്ന് വി.ഡി സതീശന്‍ വ്യക്തമാക്കി. മുഖ്യമന്ത്രി പദമല്ലാത്തതൊന്നും തനിക്ക് വേണ്ട എന്ന നിലപാടില്‍ ഉറച്ചു നില്‍ക്കുകയാണ് അദ്ദേഹം. വി.ഡി സതീശന്‍ മുഖ്യമന്ത്രിയാകണം എന്നതാണ് പൊതുവികാരമായി ഉയരുന്നത്. സോഷ്യല്‍ മീഡിയകളിലും ഈ ആവശ്യം ശക്തമാണ്. അദ്ദേഹത്തിനായി തെരുവില്‍ ഇറങ്ങണം എന്ന ആഹ്വാനം വരെ പ്രചരിക്കുന്നുണ്ട്. 45 എം.എല്‍.എമാരുടെ പിന്തുണ അവകാശപ്പെട്ട് കെ.സി വേണുഗോപാലും രംഗത്തുണ്ട്. എം.പിമാരുടെ പിന്തുണയും അദ്ദേഹത്തിനുണ്ട്. കൊടിക്കുന്നില്‍ സുരേഷ്. എം.കെ രാഘവന്‍ തുടങ്ങിയവര്‍ അദ്ദേഹത്തിന് പിന്തുണ പ്രഖ്യാപിച്ചു.

congress observers said a decision on the next kerala chief minister will be announced soon after meeting all mlas, while vd satheesan and kc venugopal continue to claim majority support within the party.