ഐപിഎൽ 2026 സീസണിൽ സീനിയർമാരെ പിന്നിലാക്കി യുവരക്തം ഐപിഎൽ റെക്കോർഡുകളിൽ പുതിയ ചരിത്രമെഴുതുന്ന കാഴ്ച്ചയാണ് നമ്മുക്ക് കാണാൻ കഴിയുന്നത്. ഐപിഎല്ലിൽ 20 പന്തിൽ താഴെ ഏറ്റവും കൂടുതൽ തവണ അർദ്ധസെഞ്ചുറി നേടിയ ബാറ്റ്‌സ്മാൻമാരുടെ പട്ടികയിൽ അഭിഷേക് ശർമ്മ ഒന്നാമത്. വെടിക്കെട്ട് ബാറ്റിംഗിലൂടെ ആരാധകരെ വിസ്മയിപ്പിക്കുകയാണ്.

എസ്.ആർ.എച്ചിനായി (SRH) സ്ഥിരതയാർന്ന വെടിക്കെട്ട് പ്രകടനം നടത്തുന്ന അഭിഷേക് ശർമ്മ 6 തവണയാണ് ഈ നേട്ടം സ്വന്തമാക്കിയത്,ഈ സീസണിലെ മുംബൈക്കെതിരായ 16 പന്തിലെ ഫിഫ്റ്റിയോടെ രണ്ടാം സ്ഥാനത്ത് എത്തിയിരിക്കുകയാണ് നിക്കോളാസ് പൂരൻ, 5 തവണയാണ് താരം ഈ നേട്ടം സ്വന്തമാക്കിയത്,രാജസ്ഥാൻ റോയൽസിന്റെ 15 വയസ്സുകാരൻ മൂന്ന് തവണ 15 പന്തിൽ ഫിഫ്റ്റി നേടിയിട്ടുണ്ട് ഇതടക്കം 20 പന്തിന് താഴെ 4 തവണയാണ് ഈ തകർപ്പൻ നേട്ടം വൈഭവ് സൂര്യവംശി മറികടന്നത്.ഡൽഹി ക്യാപിറ്റൽസിന്റെ വിശ്വസ്തനായ ഹാർഡ് ഹിറ്റർ ജേക്ക് ഫ്രേസർ-മക്ഗുർക്ക് 3 തവണ ഈ നേട്ടം സ്വന്തമാക്കി.പവർപ്ലേ ഓവറുകളിൽ ബൗളർമാരുടെ പേടിസ്വപ്നമായ ട്രാവിസ് ഹെഡ് 3 തവണ ഈ നേട്ടം സ്വന്തമാക്കിയിട്ടുണ്ട്,പഞ്ചാബ് കിങ്‌സിനായി അതിവേഗ ഇന്നിങ്‌സുകളുമായി തകർപ്പൻ ഫോമിൽ കളിക്കുന്ന പ്രിയാൻഷ് ആര്യ 3 തവണ ഈ നേട്ടം സ്വന്തമാക്കിയിരിക്കുന്നത്.

അഭിഷേക് ശർമ്മയുടെ കുതിപ്പ്: 

സൺറൈസേഴ്‌സ് ഹൈദരാബാദിന്റെ ഓപ്പണറായ അഭിഷേക് ശർമ്മ, അഞ്ച് തവണ 20 പന്തിൽ താഴെ ഫിഫ്റ്റി നേടിയ ആദ്യ ബാറ്റ്‌സ്മാനായി ചരിത്രം കുറിച്ചിരുന്നു. ഇപ്പോൾ ആറ് തവണയുമായി അദ്ദേഹം പട്ടികയിൽ ബഹുദൂരം മുന്നിലാണ്.

അമ്പരപ്പിച്ച് വൈഭവ് സൂര്യവംശി: 

പതിനഞ്ചാം വയസ്സിൽ ഐപിഎല്ലിൽ അരങ്ങേറ്റം കുറിച്ച വൈഭവ്, ഈ സീസണിൽ മാത്രം മൂന്ന് തവണയാണ് 15 പന്തിൽ അർദ്ധസെഞ്ചുറി തികച്ചത്.

പൂരന്റെ തിരിച്ചുവരവ്: 

ലക്നൗ സൂപ്പർ ജയന്റ്സിനായി (LSG) മൂന്നാം നമ്പറിൽ ഇറങ്ങിയ നിക്കോളാസ് പൂരൻ മുംബൈ ഇന്ത്യൻസിനെതിരെ 16 പന്തിൽ 50 കടന്ന് തന്റെ അഞ്ചാം വേഗമേറിയ ഫിഫ്റ്റി സ്വന്തമാക്കി.

ഐപിഎൽ ചരിത്രത്തിലെ ഏറ്റവും വേഗമേറിയ അർദ്ധസെഞ്ചുറി എന്ന റെക്കോർഡ് ഇപ്പോഴും രാജസ്ഥാൻ റോയൽസിന്റെ യശസ്വി ജയ്‌സ്വാളിന്റെ (13 പന്ത്) പേരിലാണ്.