കുമരംപുത്തൂര്‍: സൗമ്യ വധത്തില്‍ ഗോവിന്ദചാമിയുടെ വധശിക്ഷ റദ്ദാക്കിയതിലും, സംസ്ഥാന സര്‍ക്കാരിന്റെ തെറ്റായ നടപടിയിലും പ്രധിഷേച്ച് മുസ്‌ലിം ലീഗ് കുമരംപുത്തൂര്‍ പഞ്ചായത്ത് കമ്മിറ്റിയുടെ നേതൃത്വത്തില്‍ പ്രധിഷേധ പ്രകടനം നടത്തി.
താഴെ അരിയൂരില്‍ നിന്നും മണ്ണറോട്ടില്‍ മുഹമ്മദ് ഹാജി ഫ്‌ളാഗ്ഓഫ് ചെയ്ത് തുടങ്ങിയ പ്രകടനം മേലെ ചുങ്കത്ത് സമാപിച്ചു. സമാപനസമ്മേളനത്തിന് പച്ചീരി അസീസ് സ്വാഗതം പറഞ്ഞു. എം.എല്‍.എ അഡ്വ. എന്‍ ശംസുദ്ധീന്‍ ഉദ്ഘാടനം ചെയ്തു. സമാപന സമ്മേളനത്തില്‍ പൊന്‍പാറ കോയക്കുട്ടി മുഖ്യ പ്രഭാഷണം നടത്തി. ഹുസൈന്‍ മാസ്റ്റര്‍, വൈശ്യന്‍ മുഹമ്മദ്, ബഷീര്‍ കെ കെ, അര്‍സല്‍ എരേരത്ത്, സഹദ് അരിയൂര്‍, നൗഷാദ് വെള്ളപ്പാടം, ഷെരീഫ് പച്ചീരി പങ്കെടുത്തു.
ഷൊര്‍ണൂര്‍: സൗമ്യ വധകേസില്‍ സുപ്രീം കോടതി വിധിയില്‍ ഷൊര്‍ണൂര്‍ മണ്ഡലം കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ ടൗണില്‍ പ്രതിഷേധ കൂട്ടായ്മ നടത്തി.
സി.പി. ബാലചന്ദ്രന്‍ ഉദ്ഘാടനം ചെയ്തു. വി.കെ. ശ്രീകണ്ഠന്‍, വി.കെ.ശ്രീകൃഷ്ണന്‍, ടി.കെ.ഹമീദ്, ഷൊര്‍ണൂര്‍ വിജയന്‍, ടി.വൈ. ശിഹാബുദീന്‍ പ്രസംഗിച്ചു. ടി.കെ.ബഷീര്‍ അധ്യക്ഷനായി. വേണുഗോപാല്‍ നന്ദിയും പറഞ്ഞു.