കണ്ണൂര്‍: കണ്ണൂര്‍ രൂപതാ മീഡിയ കമ്മിഷന്റെയും മതബോധന വിഭാഗത്തിന്റെയും സംയുക്താഭിമുഖ്യത്തില്‍ മദര്‍ തെരേസ ഇന്റര്‍നാഷണല്‍ ഫിലിം ഫെസ്റ്റിവല്‍ കണ്ണൂര്‍ സാധു കല്യാണ മണ്ഡപത്തില്‍ മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്തു. ബിഷപ് ഡോ. അലക്‌സ് വടക്കുംതല അധ്യക്ഷനായി. മദര്‍ തെരേസയുടെ ദത്തുപുത്രന്‍ ഗൗതം ലൂയിസ് വിശിഷ്ടാതിഥിയായി. സംവിധായകരായ ഷെറി, തോമസ് ദേവസ്യ, കാമറാമാന്‍ ജലീല്‍ ബാദുഷ, ഡോ. ഷാഹുല്‍ ഹമീദ്, ഫാ. ക്ലാരന്‍സ് പാലിയത്ത് സംസാരിച്ചു. മദറിന്റെ ജീവിതം പ്രമേയമാക്കി വ്യത്യസ്ത ഭാഷകളില്‍ നിര്‍മിച്ച ചിത്രങ്ങളുടെ പ്രദര്‍ശനം ഇന്നും നാളെയുമായി കണ്ണൂര്‍ എന്‍.എസ് തിയേറ്ററില്‍ രാവിലെ ഒന്‍പതു മുതല്‍ 10.30 വരെ നടത്തുമെന്നു സംഘാടകര്‍ അറിയിച്ചു.