തളിപ്പറമ്പ് : കേരള ശാസ്ത്ര സാങ്കേതിക പരിസ്ഥിതി കൗണ്‍സിലിന്റെ ആഭിമുഖ്യത്തില്‍ പൂംമംഗലം യു.പി സ്‌കൂളില്‍ 16 മുതല്‍ 30 വരെ നടക്കുന്ന ഓസോണ്‍ ദിനാഘോഷത്തിന്റെ ഭാഗമായുള്ള 'നാട്ടുപൂക്കളെ തേടി നാട്ടിടവഴിയിലൂടെ നടത്തം' കുറുമാത്തൂര്‍ ഗ്രാമ പഞ്ചായത്ത് പ്രസിഡണ്ട് ഐ.വി നാരായണന്‍ ഉദ്ഘാടനം ചെയ്തു. കാലാവസ്ഥയില്‍ ഓസോണ്‍പാളിയുടെ പങ്കിനെ കുറിച്ചും, ഓണപ്പൂക്കളമുണ്ടാക്കാന്‍ മറുനാടന്‍ പൂക്കളെ ആശ്രയിക്കുന്ന പുത്തന്‍ തലമുറയ്ക്ക് നാടന്‍ പൂക്കളെ പരിചയപ്പെടുത്തുന്നതിനുമായി സംഘടിപ്പിച്ച പരിപാടിയില്‍ പി.പി ബാലകൃഷ്ണന്‍ അധ്യക്ഷനായി. വാര്‍ഡ് മെമ്പര്‍ പി ലക്ഷ്മണന്‍, വി.വി പവിത്രന്‍, സി സത്യനാരായണന്‍ സംസാരിച്ചു.