മലപ്പുറം തെരഞ്ഞെടുപ്പിലെ ജനവിധി മാനിച്ചുള്ള തീരുമാനമാണ് കോണ്‍ഗ്രസ് ഹൈക്കമാന്റിന്റേതെന്നും മുഖ്യമന്ത്രിയായി പ്രഖ്യാപിച്ച വി.ഡി സതീശന് നല്ല ഭരണം കാഴ്ചവയ്ക്കാന്‍ സാധിക്കുമെന്നും മുസ്‌ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍. ടീം യു.ഡി.എഫായി കേരളം ഭരിക്കും.

ജനാധിപത്യ പ്രക്രിയ പൂര്‍ത്തിയാക്കാന്‍ എല്ലാ ഘടകങ്ങളും വിശദമായി ചര്‍ച്ച ചെയ്താണ് തീരുമാനമെടുത്തത്. അതിന് സമയമെടുത്തുവെന്നല്ലാതെ മറ്റൊന്നുമില്ല. ഘടക കക്ഷികളുമായി ഒന്നിലേറെ തവണ അഭിപ്രായം തേടിയിരുന്നു. പ്രഖ്യാപന ദിവസത്തിലും കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഖെ വിളിച്ചു അഭിപ്രായം ചോദിച്ചു. മുസ്‌ലിം ലീഗ് ഈ തീരുമാനത്തെ കേരള ജനതക്കൊപ്പം പരിപൂര്‍ണമായും അംഗീകരിക്കുന്നവെന്നും മുസ്‌ലിം ലീഗ് മന്ത്രിമാരെ വൈകാതെ പ്രഖ്യാപിക്കുമെന്നും തങ്ങള്‍ പറഞ്ഞു.

കോണ്‍ഗ്രസ് നിയമസഭാകക്ഷിയോഗത്തിന് ശേഷം മറ്റു കാര്യങ്ങളുടെ നടപടിക്രമത്തിലേക്ക് നീങ്ങുമെന്ന് മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി പറഞ്ഞു. മന്ത്രിസഭാ രൂപീകരണവുമായി ബന്ധപ്പെട്ട നടപടിക്രമങ്ങള്‍ പൂര്‍ത്തിയാക്കുന്നതോടെ തുടര്‍കാര്യങ്ങള്‍ സമയബന്ധിതമായി നടക്കുമെന്നും അദ്ദേഹം പറഞ്ഞു.

Following the announcement of V.D. Satheesan as the Chief Minister of Kerala, Muslim League leaders Panakkad Sadiqali Shihab Thangal and P.K. Kunhalikutty have welcomed the decision, confirming that the UDF will function as a cohesive team to form the new government.