തിരുവനന്തപുരം: മന്ത്രിസഭാ രൂപവത്കരണവുമായി ബന്ധപ്പെട്ട ചര്‍ച്ചകള്‍ സജീവമാക്കി കോണ്‍ഗ്രസ്. നേതാക്കള്‍ കെപിസിസി ആസ്ഥാനത്തെത്തിയ ശേഷം രാത്രിയോടെ മന്ത്രിസഭയില്‍ ആരൊക്കെ എന്ന കാര്യത്തില്‍ തീരുമാനം വന്നേക്കും. 

നിയുക്ത മുഖ്യമന്ത്രി വി.ഡി. സതീശന്‍ സണ്ണി ജോസഫ്, ദീപാ ദാസ് മുന്‍ഷി എന്നിവരുമായി കൂടിക്കാഴ്ച നടത്തുന്നുണ്ട്. മന്ത്രിമാരുടെ അന്തിമ പട്ടികയ്ക്ക് ഉടന്‍ രൂപം നല്‍കുമെന്നാണ് വിവരം. രാത്രിയോടെ മന്ത്രിമാരുടെ പട്ടിക പൂര്‍ണമായേക്കും. വകുപ്പുകളും രാത്രിയോടെ അറിയാന്‍ കഴിഞ്ഞേക്കുമെന്നാണ് റിപ്പോര്‍ട്ടുകള്‍.