തിരുവനന്തപുരം: വി.ഡി സതീശൻ സർക്കാരിന്റെ സത്യപ്രതിജ്ഞാ ചടങ്ങിനിടെ ഹൃദയസ്പർശിയായ മുഹൂർത്തങ്ങൾക്ക് സാക്ഷ്യം വഹിച്ച് തലസ്ഥാന നഗരി. പ്രായത്തെയും അവശതകളെയും വകവയ്ക്കാതെ ചടങ്ങിലെത്തിയ അമ്മാളു അമ്മയെ മുഖ്യമന്ത്രി വി.ഡി. സതീശനും രാഹുൽ ​ഗാന്ധിയും നെഞ്ചോട് ചേർത്തുപിടിച്ച് സ്വീകരിച്ചപ്പോൾ അത് ചടങ്ങിലെ ഏറ്റവും മനോഹരമായ കാഴ്ചയായി മാറി. രാഹുൽ ഗാന്ധി, പ്രിയങ്കാ ഗാന്ധി, മുഖ്യമന്ത്രി വി.ഡി സതീശൻ എന്നിവരുടെ സ്നേഹാദരങ്ങൾ ഏറ്റുവാങ്ങിയാണ് അമ്മാളു അമ്മ വേദിവിട്ടത്.

ALSO READ: യുവാവിനെ തട്ടിക്കൊണ്ടുപോയെന്ന പരാതിയിൽ നാടകീയ ട്വിസ്റ്റ്; മഞ്ചേരിയിൽ കാണാതായ യുവാവ് സ്റ്റേഷനിൽ ഹാജരായി

മുഖ്യമന്ത്രി വി.ഡി. സതീശനും അമ്മാളു അമ്മയും തമ്മിലുള്ളത് വർഷങ്ങളുടെ ആത്മബന്ധത്തിന്റെ കഥയാണ്. 2018-ലെ മഹാപ്രളയകാലത്താണ് ഇരുവരും ആദ്യമായി കാണുന്നത്. ദുരിതാശ്വാസ ക്യാമ്പിൽ കഴിയുകയായിരുന്ന അമ്മാളു അമ്മയ്ക്ക് അന്ന് തുണയായത് സതീശനായിരുന്നു. അന്ന് തുടങ്ങിയ ആ കരുതലും സ്നേഹവും വർഷങ്ങൾക്കിപ്പുറവും ഒട്ടും ചോർന്നുപോകാതെ ഇരുവരും കാത്തുസൂക്ഷിക്കുന്നു.

കോൺഗ്രസ് പ്രവർത്തകരുടെ സഹായത്തോടെയാണ് അമ്മാളു അമ്മ സത്യപ്രതിജ്ഞാ വേദിയിലെത്തിയത്. അമ്മാളു അമ്മയെ കണ്ടയുടൻ രാഹുൽ ഗാന്ധിയും മുഖ്യമന്ത്രി വി.ഡി. സതീശനും ചേർന്ന് കെട്ടിപ്പിടിച്ച് വേദിയിലേക്ക് സ്വീകരിച്ചു. വർഷങ്ങൾക്ക് മുൻപ് ദുരന്തമുഖത്ത് വെച്ച് പകർന്നുനൽകിയ ആ സ്നേഹവും കരുതലും, ഒടുവിൽ മകൻ മുഖ്യമന്ത്രി പദവിയിലെത്തുമ്പോൾ കാണാനെത്തിയ ആ വൃദ്ധയുടെ നിറഞ്ഞ പുഞ്ചിരിയിൽ കാണാമായിരുന്നു.

അമ്മയ്ക്ക് മക്കളുണ്ടോ എന്ന മാധ്യമ പ്രവർ‌ത്തകന്റെ ചോ​ദ്യത്തിന് മറുപടിയായി "എനിക്ക് മക്കളില്ല, പക്ഷേ സതീശൻ എനിക്ക് മകനെപ്പോലെയല്ല, എന്റെ സ്വന്തം മകൻ തന്നെയാണ് എന്നാണ് അമ്മാളു അമ്മ പറഞ്ഞത്. സീതാലക്ഷ്മി അമ്മാൾ എന്നാണ് അമ്മാളു അമ്മയുടെ യഥാർത്ഥ പേര്. 

An emotional highlight from the swearing-in ceremony went viral as Ammalu Amma (Seetha Lakshmi Ammal), an elderly woman, arrived to witness V.D. Satheesan take the oath as Chief Minister. Deeply moved, she stated that Satheesan is not just like a son to her, but is her actual son.