പറവൂര്‍: സ്‌കൂള്‍-കോളജ് പരിസരത്ത് കഞ്ചാവ് വില്‍പന നടത്തുന്ന യുവാവിനെ പിടികൂടി. 100 ഗ്രാം കഞ്ചാവുമായി കോട്ടുവള്ളി കോതകുളം കളപ്പറമ്പില്‍ ഉണ്ണികൃഷ്ണനെ(21)യാണ് പിടികൂടിയത്.
ഡാന്‍സ് പ്രോഗ്രാമുകളും മറ്റും ചെയ്തുവരുന്ന ഉണ്ണികൃഷ്ണന്‍ തമിഴ്‌നാട്ടിലെ ഈറോഡില്‍ നിന്നാണ് കഞ്ചാവ് എത്തിക്കുന്നത്. ചെറുപൊതികളാക്കി വിദ്യാര്‍ഥികള്‍ക്കും യുവാക്കള്‍ക്കും വില്‍പന നടത്തുകയാണ് പതിവ്.
എക്‌സൈസ് ഇന്‍സ്‌പെക്ടര്‍ സി ശ്യാംകുമാറിന്റെ നേതൃത്വത്തില്‍ പ്രിവന്റീവ് ഓഫിസര്‍ എസ്.എ സനില്‍കുമാര്‍, സിവില്‍ എക്‌സൈസ് ഓഫിസര്‍മാരായ കെ.ആര്‍ സനില്‍, എന്‍.സി സജീവ്, പി.യു ഋഷികേശന്‍, എം.എസ് ശിവകുമാര്‍, വനിതാ സിവില്‍ ഓഫിസര്‍ എം.കെ ജീമോള്‍ എന്നിവരാണ് പ്രതിയെ പിടികൂടിയത്.

.