ദോഹ: ഖത്തറും ഉസ്ബെക്കിസ്ഥാനും തമ്മിലുള്ള സൈനിക സഹകരണം ശക്തിപ്പെടുത്തുന്നതിനായി പുതിയ ധാരണാപത്രത്തിൽ ഒപ്പുവച്ചു. ദോഹയിൽ നടന്ന ഉന്നതതല കൂടിക്കാഴ്ചയ്ക്കിടെയായിരുന്നു കരാർ ഒപ്പിടൽ.
ഖത്തർ ഉപപ്രധാനമന്ത്രിയും പ്രതിരോധകാര്യ സഹമന്ത്രിയുമായ ഷെയ്ഖ് സഊദ് ബിൻ അബ്ദുൾറഹ്മാൻ ബിൻ ഹസ്സൻ അൽ താനിയും ഉസ്ബെക്കിസ്ഥാൻ പ്രതിരോധമന്ത്രി സുക്രത് കാൽമുഖമെഡോവും തമ്മിലാണ് ചർച്ച നടന്നത്.

പ്രാദേശിക സുരക്ഷാ സാഹചര്യങ്ങളും നിലവിലെ മേഖലാതല വികസനങ്ങളും യോഗത്തിൽ വിലയിരുത്തി. നിലവിലെ സാഹചര്യത്തിൽ സംയുക്ത സൈനിക ഏകോപനവും പ്രതിരോധ സഹകരണവും കൂടുതൽ വിപുലീകരിക്കുന്നതുമായി ബന്ധപ്പെട്ട കാര്യങ്ങളും ഇരുപക്ഷവും ചർച്ച ചെയ്തു.
രണ്ടു രാജ്യങ്ങളിലെയും ഉന്നത സൈനിക ഉദ്യോഗസ്ഥരും പ്രതിനിധികളും യോഗത്തിൽ പങ്കെടുത്തു.

Qatar and Uzbekistan have signed a memorandum of understanding (MoU) aimed at enhancing military cooperation between the two countries.The agreement was signed during a meeting in Doha between Qatar’s Deputy Prime Minister and Minister of State for Defense Affairs, Sheikh Saud bin Abdulrahman bin Hassan Al Thani, and Uzbekistan’s Defense Minister Shukhrat Khalmukhamedov.