ശാസ്താംകോട്ട: സാഹോദര്യവും സമാധാനവും സഹിഷ്ണുതയും രാജ്യസ്‌നേഹവും നിലനിര്‍ത്തി ജീവക്കണമെന്ന് മനുഷ്യരോട് ആഹ്വാനം ചെയ്യുന്ന മതമാണ് ഇസ്‌ലാമെന്ന് അഡ്വ.കെ സോമപ്രസാദ് എം.പി പറഞ്ഞു.
സെന്റര്‍ ഫോര്‍ ഇസ്‌ലാമിക് ഗൈഡന്‍സ് ആന്‍ഡ് സര്‍വിസസ് സംസ്ഥാന കമ്മിറ്റി പ്രസിദ്ധീകരിച്ച ഐ.എസ് ഭീകരത ഇസ്‌ലാമിനെതിര് രാജ്യത്തിനെതിര് എന്ന ലഘുലേഖയുടെ പ്രകാശനകര്‍മം ഉദ്ഘാടനം ചെയ്യുകയായിരുന്നു അദ്ദേഹം. എം.പി.എം ഷാനവാസ് കണ്ടനാട് അധ്യക്ഷത വഹിച്ചു. കോവൂര്‍ കുഞ്ഞുമോന്‍ എം.എല്‍.എ ലഘുലേഖയുടെ പ്രകാശനകര്‍മം നിര്‍വഹിച്ചു. സല്‍മാനുല്‍ ഖാസിമി മുഖ്യപ്രഭാഷണം നടത്തി. തോപ്പില്‍ ജമാലുദ്ദീന്‍, ഭരണിക്കാവ് സലിം മൗലവി, പോരുവഴി ഹുസൈന്‍ മൗലവി, റഹ്മത്തുല്ല, എ.നൗഷാദ്, കെ.എസ് പുരം അബ്ദുല്‍സത്താര്‍, കടയ്ക്കല്‍ പി രാമചന്ദ്രന്‍പിള്ള, ബി ബഷീര്‍ബാബു സംസാരിച്ചു.