ടെഹ്‌റാന്‍: ഫിബ ഏഷ്യ ചലഞ്ച് ബാസ്‌കറ്റ്‌ബോള്‍ ചാംപ്യന്‍ഷിപ്പില്‍ ഇന്ത്യ ക്വാര്‍ട്ടറില്‍ വീണു. കരുത്തരായ ഇറാനാണ് ഇന്ത്യയെ 47 പോയിന്റുകള്‍ക്കെതിരേ 77 പോയിന്റുകള്‍ നേടി വിജയിച്ചത്. കളിയുടെ ഒരു ഘട്ടത്തില്‍ പോലും ഇന്ത്യക്ക് ഇറാനു മേല്‍ അധിപത്യം നേടാന്‍ സാധിക്കാതെ പോയി.
ആദ്യ ക്വാര്‍ട്ടറില്‍ 14-18നും രണ്ടാം ക്വാര്‍ട്ടറില്‍ 17-20നും മുന്നേറിയ ഇറാന്‍ മൂന്നാം ക്വാര്‍ട്ടര്‍ ഏകപക്ഷീയ മുന്നേറ്റമാണ് നടത്തിയത്. ഈ ഘട്ടത്തില്‍ ഇന്ത്യക്ക് രണ്ടു പോയിന്റുകളും ഇറാന്‍ 26 പോയിന്റുകളുമാണ് നേടിയത്.
അവസാന ക്വാര്‍ട്ടറില്‍ മാത്രമാണ് ഇന്ത്യ ഇറാനുമേല്‍ നേരിയ ആധിപത്യം പുലര്‍ത്തിയത്. നാലാം ക്വാര്‍ട്ടറില്‍ 13നെതിരേ 14 പോയിന്റുകള്‍ ഇന്ത്യ സ്വന്തമാക്കിയെങ്കിലും തിരിച്ചുവരാനുള്ള അവസരം അവസാനിച്ചിരുന്നു.
ക്വാര്‍ട്ടറില്‍ പരാജയപ്പെട്ടെങ്കിലും മറ്റു സ്ഥാനത്തേക്കുള്ള മത്സരങ്ങളില്‍ ഇന്ത്യക്ക് അവസരമുണ്ട്.