ശ്രീനഗര്‍: ശ്രീനഗറില്‍ പെല്ലറ്റ് തോക്ക് പ്രയോഗത്തില്‍ 15 വയസ്സുകാരന്‍ മരിച്ചതിനെ തുടര്‍ന്ന് കശ്മീര്‍ താഴ്‌വരയില്‍ വീണ്ടും സംഘര്‍ഷം. കശ്മീരിലെ ഹര്‍വാന്‍ ടൗണില്‍ വെള്ളിയാഴ്ച്ചയുണ്ടായ സംഘര്‍ഷത്തിനിടെയാണ് മോമിന്‍ അല്‍താഫ് കൊല്ലപ്പെട്ടത്. ഇന്നലെ രാത്രിയോടെയാണ് പെല്ലറ്റുകള്‍ തറച്ചനിലയില്‍ അല്‍താഫിന്റെ മൃതദേഹം കണ്ടെത്തിയത്.

എന്നാല്‍ വളരെ ദൂരെ നിന്നാണ് ജനത്തിനു നേരെ പെല്ലറ്റ് തോക്കുകള്‍ ഉപയോഗിച്ചതെന്നും ഇത് മരണകാരണമായി കരുതുന്നില്ലെന്നും സൈന്യം അറിയിച്ചു.

അതേസമയം കശ്മീരില്‍ തുടരുന്ന സംഘര്‍ഷം നേരിടാനുള്ള നടപടികള്‍ സൈന്യം ഊര്‍ജിതമാക്കി. കഴിഞ്ഞ 24 മണിക്കൂറിനിടെ 65 പേരെ അറസ്റ്റു ചെയ്തു.