വളാഞ്ചേരി: മാലിന്യം ചാക്കില്‍ കെട്ടിക്കിടക്കുന്നതു യാത്രക്കാര്‍ക്കാരെയും പൊതുജനങ്ങളെയും ബുദ്ധിമുട്ടിലാക്കുന്നു. വളാഞ്ചേരി ബസ് സ്റ്റാന്‍ഡ് പരിസരത്താണ് മാലിന്യം ചാക്കുകളില്‍ കെട്ടി ഉപേക്ഷിച്ചനിലയില്‍ കിടക്കുന്നത്. നഗരത്തിലെ കടകളില്‍നിന്നുള്ള മാലിന്യമാണിതെന്നാണ് സംശയം.
ഇത്തരം മാലിന്യം ചാക്കുകളില്‍ കെട്ടി കമ്മ്യൂണിറ്റി ഹാള്‍ കവാടത്തില്‍ സൂക്ഷിച്ച് പിന്നീട് ഒഴിഞ്ഞ പ്രദേശങ്ങളിലെത്തിച്ചു കത്തിച്ചുകളയുകയാണ് പതിവ്. എന്നാല്‍, കമ്മ്യൂണിറ്റി ഹാള്‍ കവാടത്തില്‍ ഓണത്തോടനുബന്ധിച്ചു കുടുംബശ്രീയുടെ വിപണനകേന്ദ്രം തുറന്നതോടെയാണ് ഇവ ബസ് സ്റ്റാന്‍ഡ് പരിസരത്ത് നിക്ഷേപിച്ചുതുടങ്ങിയത്.