റിയാദ്: അൽ ഖർജിലെ പ്രിൻസ് സുൽത്താൻ എയർബേസിന് നേരെ ആക്രമണം ഉണ്ടായതായി സോഷ്യൽ മീഡിയയിൽ പ്രചരിക്കുന്ന വാർത്തകൾ നിഷേധിച്ച് സഊദി പ്രതിരോധ മന്ത്രാലയം. വാർത്തകൾ തീർത്തും അടിസ്ഥാനരഹിതമാണെന്ന് പ്രതിരോധ മന്ത്രാലയ ഔദ്യോഗിക വക്താവ് ബ്രിഗേഡിയർ ജനറൽ തുർക്കി അൽ-മാലികി വ്യക്തമാക്കി. ഔദ്യോ​ഗിക സ്ത്രോതസ്സുകളിൽ നിന്ന് വരുന്ന വിവരങ്ങൾ മാത്രം വിശ്വസിക്കണമെന്നും അദ്ദേഹം പറഞ്ഞു.

ALSO READ: യുഎഇ-സഊദി സംയുക്ത ഓപ്പറേഷൻ; 2.6 ലക്ഷത്തിലധികം ലഹരിഗുളികകൾ കടത്താനുള്ള ശ്രമം പരാജയപ്പെടുത്തി, പ്രതികൾ അറസ്റ്റിൽ

തിങ്കളാഴ്ച പുലർച്ചയ്ക്ക് മുമ്പായി അൽ-ഖർജ് മേഖലയിൽ അടിയന്തര മുന്നറിയിപ്പ് സൈറണുകൾ മുഴങ്ങാനിടയായ സാഹചര്യവും അദ്ദേഹം വിശദീകരിച്ചു. യമനിൽ നിന്ന് തൊടുത്തുവിട്ട ഒരു ബാലിസ്റ്റിക് മിസൈൽ അതിർത്തിക്ക് സമീപം വച്ച് അപ്രത്യക്ഷമായതിനെ തുടർന്ന് മുൻകരുതൽ നടപടിയുടെ ഭാഗമായാണ് സൈറൺ ആക്ടീവായതെന്നും ഇതിനെക്കുറിച്ച് അന്വേഷണം നടന്നു കൊണ്ടിരിക്കുകയാമെന്നും അദ്ദേഹം കൂട്ടിച്ചേർത്തു. 

Saudi Arabia's Ministry of Defense denies social media reports of an attack on Prince Sultan Air Base, explaining sirens were a precaution.