ഇന്ത്യന്‍ മാര്‍ക്കറ്റില്‍ ഒട്ടനവധി ആരാധകരെ വാരിക്കൂട്ടിയ കാര്‍ നിര്‍മ്മാതാക്കളാണ് ടൊയോട്ട. കോംപാക്ട് എസ്.യു.വി ശ്രേണിയില്‍ പ്രാതിനിധ്യമില്ലാത്ത വാഹനം ഈ വിഭാഗത്തിലേക്ക് ഒരു പുത്തന്‍ കാര്‍ എത്തിച്ചിരിക്കുകയാണ്.ഫ്രോങ്ക്‌സ് ക്രോസ്ഓവര്‍ എസ്‌യുവിയുടെ റീബാഡ്ജ് പതിപ്പായ ടൈസറാണ് ഈ കാര്‍.E, S, S+, G, V എന്നിങ്ങനെ മൊത്തം 5 വേരിയന്റുകളിലായിട്ടാണ് ടൈസര്‍ പുറത്തിറങ്ങുന്നത്.മോഡലിന്റെ എന്‍ട്രി ലെവല്‍ വാഹനത്തിന് ഏഴേ മുക്കാല്‍ ലക്ഷം രൂപയോളമാണ് വില വരുന്നത്. അതേസമയം വാഹനത്തിന്റെ ടോപ്പ് മോഡലിന് 13.04 ലക്ഷം രൂപവില വരുന്നുണ്ട്.

ടൈസര്‍ വാങ്ങാന്‍ താത്പര്യമുള്ളവര്‍ക്ക് വിവിധ വേരിയന്റുകള്‍ ബുക്ക് ചെയ്യാനുള്ള വിന്‍ഡോ ടൊയോട്ട ഇതിനകം ആരംഭിച്ചിട്ടുണ്ട്.11,000 രൂപ ടോക്കണ്‍ തുക നല്‍കി ടൊയോട്ട ടൈസര്‍ കാര്‍ ഇപ്പോള്‍ ബുക്ക് ചെയ്യാവുന്നതാണ്.1.2 ലിറ്റര്‍ നാച്ചുറലി ആസ്പിരേറ്റഡ് പെട്രോള്‍, 1.0 ലിറ്റര്‍ ടര്‍ബോ പെട്രോള്‍ എഞ്ചിന്‍ ഓപ്ഷനുകളിലാണ് പുതിയ ടൊയോട്ട ടൈസര്‍ വരുന്നത്. 1.2 ലിറ്റര്‍ നാച്ചുറലി ആസ്പിരേറ്റഡ് പെട്രോള്‍ എഞ്ചിന്‍ സിഎന്‍ജി ഓപ്ഷനോടൊപ്പവും വാഗ്ദാനം ചെയ്യുന്ന. മാരുതി ഫ്രോങ്ക്‌സിന്റെ പെട്രോള്‍ പതിപ്പുകള്‍ ലിറ്ററിന് 20 കിലോമീറ്ററിന് മുകളില്‍ മൈലേജ് നല്‍കുന്നുണ്ട്.

9 ഇഞ്ച് ടച്ച് സ്‌ക്രീന്‍ ഇന്‍ഫോടൈന്‍മെന്റ് സിസ്റ്റം,വയര്‍ലെസ് സ്മാര്‍ട്ട്‌ഫോണ്‍ കണക്റ്റിവിറ്റി, വയര്‍ലെസ് സ്മാര്‍ട്ട്‌ഫോണ്‍ ചാര്‍ജര്‍, ഹെഡ്‌സ് അപ്പ് ഡിസ്‌പ്ലേ, 360 ഡിഗ്രി ക്യാമറ, ഓട്ടോമാറ്റിക് ക്ലൈമറ്റ് കണ്‍ട്രോള്‍, പുഷ് സ്റ്റാര്‍ട്ട്/സ്റ്റോപ്പ് ബട്ടണ്‍ തുടങ്ങി നിരവധി സവിശേഷതകളും കാറില്‍ ടൊയോട്ട ഒരുക്കിയിട്ടുണ്ട്. 6 എയര്‍ബാഗുകള്‍, ഹില്‍ ഹോള്‍ഡ് അസിസ്റ്റ്, എബിഎസ് വിത്ത് ഇബിഡി, റിയര്‍ ഡീഫോഗര്‍ തുടങ്ങിയ നിരവധി ഫീച്ചറുകളാണ് വാഹനത്തില്‍ സജ്ജീകരിച്ചിരിക്കുന്നത്. മെയ് മാസം മുതലാണ് വാഹനത്തിന്റെ വിതരണം തുടങ്ങുകയെന്നാണ് പുറത്ത് വരുന്ന റിപ്പോര്‍ട്ടുകള്‍.