പൂക്കോട്ടൂര്‍: മൂന്നു പതിറ്റാണ്ടുകാലം  പൂക്കോട്ടൂര്‍ പഞ്ചായത്ത് പ്രസിഡന്റായിരുന്ന മുസ്‌ലിംലീഗ് നേതാവ് കാരാട്ട്  മുഹമ്മദ് ഹാജിയുടെ അനുസ്മരണ സമ്മേളനം ഇ.ടി മുഹമ്മദ് ബഷീര്‍ എംപി  ഉദ്ഘാടനം ചെയ്തു. പഞ്ചായത്ത് മുസ്‌ലിംലീഗ് പ്രസിഡന്റ് എ.എം കുഞ്ഞാന്‍  അധ്യക്ഷനായി. സി.പി സൈതലവി അനുസ്മരണ പ്രഭാഷണം നടത്തി.
പഞ്ചായത്തില്‍  നിന്നും ഉന്നത വിജയം നേടിയ വിദ്യാര്‍ഥികള്‍ക്കും മുഖ്യമന്ത്രിയുടെ മെഡല്‍  നേടിയ എഎംവിഐ  വി.ഉമറിനുമുള്ള അവാര്‍ഡുകള്‍ ചടങ്ങില്‍ വിതരണം  ചെയ്തു. മക്ക കെ.എം.സി.സി ജനറല്‍ സെക്രട്ടറി മുജീബ് പൂക്കോട്ടൂരിന് ഈ  വര്‍ഷത്തെ കാരാട്ട് മുഹമ്മദ് ഹാജി സ്മാരക പുരസ്‌കാരം ഇ.ടി മുഹമ്മദ്  ബഷീര്‍ എംപി നല്‍കി. അഡ്വ. യു.എ ലത്തീഫ്, ടി.വി ഇബ്രാഹീം എംഎല്‍എ,  കെ.മുഹമ്മദുണ്ണി ഹാജി, കെ.പി മുഹമ്മദ്കുട്ടി, അഷ്‌റഫ് വെങ്ങാട്, കെ.പി  ഉണ്ണീതു ഹാജി, എം.ടി അലി, അഡ്വ. അബ്ദുറഹിമാന്‍ കാരാട്ട്, പി.ബീരാന്‍കുട്ടി  ഹാജി, വി.മുസ്തഫ, പി.എ സലാം, എം.സമീര്‍, കോഴിശ്ശേരി കുഞ്ഞിമുഹമ്മദ്  മുസ്‌ലിയാര്‍, പി.കെ ഉമ്മര്‍ പ്രസംഗിച്ചു.